合興車仔麵

營業中

休息中

呢間合興車仔麵已經食咗好多年，水準仍然keep到，仲係咁多人排隊。次次食親豬紅同豬腸，係必叫！另外再加咗瑞士雞翼，今次老闆送咗蘿蔔俾我加餸。呢度嘅豬紅，口感唔同平時嗰啲咁碎，食落去淡淡湯汁，好入味。豬腸又係滷水得好入味，同埋好大份，三個餸勁抵食。瑞士雞翼就正常發揮，蘿蔔都入味嘅。呢度辣魷魚都出名，可以自己加辣，不過真係好辣，建議分開另上。去食嘅話要早啲，出面會有Mark低每日邊啲餸已經賣晒，牛𦟌就成日都唔見有，有時賣晒啲餸就四五點已經閂門。