白宮咖啡室 (已結業)

呢排太繁忙，所以遲左寫食評，但我仍然記得自己要為呢間出類拔萃既cafe 寫食評。白宮既位置隱藏響一眾車房之間，但細心一望，好容易就望到佢既燈光響漆黑既夜晚同街道上閃閃發光，呢個就係白宮。先講下我點既主菜：All day breakfast煙肉好香，好有咬口。薯餅鬆脆。蛋炒得剛剛好，唔係熟晒。煙三文魚其實聞得出係好香好鮮味，食落都係閹得剛剛好。只係小妹咁岩唔likey 太鮮果陣味但我覺得呢d 係因人而異既。唯一美中不足係個牛角包略嫌有少少乾同硬身。飲料：Green Tea Lattle一早聽聞白宮可以自選杯上圖案，好希望簡自己心愛既卡通人物，但原來佢地只係做某幾款卡通公仔都唔緊要，我就簡左個路飛，超可愛，見到都覺得好好飲。雖然路飛好可愛，但我決定辣手催花。有賞心悅目既賣相，味道方面當然亦唔會差得去邊。有別於一般既green tea lattle, 有微徵苦澀味但唔會令人覺得好甜，亦聞到茶香。我只係落左一匙糖，覺得無好濃既甜味同奶味，反而有種清清地既感覺，令小妹十分喜愛。p.s. 侍應姐姐笑容好，態度好，又會用心向我推介店內出名既食物。比起某d冷冰冰既連鎖店好太多誠意向您推薦白宮