影片
更多
2011-06-20
150 瀏覽
昨天中午約左兩個朋友返大陸按摩,約了一齊食個晏先上大陸,突然諗起這裏,因為好耐冇嚟過啦,我同一個朋友12點15左右先到,唔使等位就有位,跟住睇下餐牌有咩食先,冇嚟一排,人面全非,所有人都應該係同以前既唔同,包括收銀,厨司及仕應,我地兩個見到有午餐,麵餐及車仔麵既選擇,因都唔想食得太飽及想食d濕濕地既嘢,所以我同朋友都叫左麵餐.28元包一杯熱飲,凍飲加2元,其實都唔係好抵食,我地都係叫煎豬扒跟幼麵及米粉,我飲凍檸茶,朋友飲凍華田,飲品先上,都叫大杯的,但好甜,食物都好快上,煎豬扒都煎得金黃色的,正常size,幼麵雲吞麵的麵,感覺跟西式豬扒唔太配合,因好似食緊雲吞麵咁,豬扒好淋好淋,好似加左好多鬆肉粉咁,冇以前咁好味.食唔到好香既豬扒味道.另一個朋友還未到,我地就慢慢食,過了一陣,朋友嚟左,佢就諗食雞脾定豬扒好,見到餐廳有張好大的雜誌介紹的相片係一碟前豬扒太陽蛋飯,佢就叫左一個,仲要少飯.等左一陣碟飯就嚟啦,但點解唔係太陽蛋,要求更換,但收銀員話食物出左係冇得更換,後尾我就話一係你加多隻太陽蛋,問仕應加一隻太陽蛋要加幾錢,竟然要6元,咁貴唔好去搶,跟住朋友本來都諗住算的,但我話張相都唔係咁
28元包一杯熱飲,凍飲加2元,其實都唔係好抵食,我地都係叫煎豬扒跟幼麵及米粉,我飲凍檸茶,朋友飲凍華田,飲品先上,都叫大杯的,但好甜,食物都好快上,煎豬扒都煎得金黃色的,正常size,幼麵雲吞麵的麵,感覺跟西式豬扒唔太配合,因好似食緊雲吞麵咁,豬扒好淋好淋,好似加左好多鬆肉粉咁,冇以前咁好味.食唔到好香既豬扒味道.另一個朋友還未到,我地就慢慢食,
過了一陣,朋友嚟左,佢就諗食雞脾定豬扒好,見到餐廳有張好大的雜誌介紹的相片係一碟前豬扒太陽蛋飯,佢就叫左一個,仲要少飯.等左一陣碟飯就嚟啦,但點解唔係太陽蛋,要求更換,但收銀員話食物出左係冇得更換,後尾我就話一係你加多隻太陽蛋,問仕應加一隻太陽蛋要加幾錢,竟然要6元,咁貴唔好去搶,跟住朋友本來都諗住算的,但我話張相都唔係咁,就提醒了朋友佢係因為睇到張相係太陽蛋先叫,跟住就同仕應們講話佢地張相都唔同實物,有咩理由叫太陽蛋要特別order,係咪應該掉轉叫煎蛋先特別order呢??
因朋友堅持所以有一個疑似老細的男人話換給我們,但係仕應及收銀們都在議論紛紛,原來因為餐廳的相片吸引去叫碟飯,變相是我們不對似的.換了隻太陽蛋但又沒有少飯.最諷刺的係雜誌的介紹呢度係有誠意的豬扒餐廳,我完全感覺不到誠意在那裏.
我們一路食一路俾仕應們在討論,真的很不是味兒,到最後埋單收銀員的態度真的令佢自己蒙羞,朋友俾錢,她收錢係全程將個頭望去第二邊,甚麼叫做禮貌及有誠意??真的有待深究!!
我們應該不會再來這裏,為了一隻6元的太陽蛋失去了幾位客人,真的值得嗎??
張貼
