twist (裝修中)

最近知道如心酒店有餐廳新開張，所以今日就捉咗個朋友同我去食 😝 餐廳採用落地玻璃設計，環境開揚視線廣闊，附近景色一覽無遺。午市套餐照顧到唔同顧客嘅需要，肉食愛好者可以選擇肉眼扒，鍾意食日本菜式嘅人又可以選擇壽司盛盒，食素嘅人亦都有鮮茄素肉丸意大利麵，而我超鍾意食海鮮，當然選擇蝦球伊麵啦。😍前菜係煙三文魚配沙律菜伴車厘茄及雞蛋，而且仲有橄欖油同蕃茄蓉醬料配搭，餐湯係相當有益嘅菠菜牛油果忌廉湯。😋牛油芝士焗蝦球伊麵 : 伊麵超大碟，蝦球大隻又爽口，濃郁嘅牛油芝士汁沾滿了每條麵條非常滋味，自己超鍾意食。🥰肉眼扒外皮煎至焦香之餘內裏肉汁豐富，口感嫩滑，灑上少許鹽食更添美味。另外叫咗兩杯特飲 😋 Californication ($70/右) 用咗士多啤梨、桃、橙等生果調製，味道酸酸甜甜，有啲熱帶風情嘅感覺。Smoke on the water ($70/左) 用左椰奶、鮮奶、菠蘿汁及蝶豆花製成，味道清爽香甜，兩杯都各有特色。