倫哥尚品火鍋私房菜 (已結業)

今次同朋友去倫哥尚品私房菜食晚餐，主要係食$308半自助任飲火鍋套餐，即是先品嚐美味雞煲再來火鍋,出曬名豐富美味，所以我們兩個去到也不用看餐牌，直接向職員點了少辣雞煲先。雞煲是任食的，職員很細心地講解每2分鐘炒一炒，共8分鐘就會入曬味食得，等緊既時間先試下前菜先-四季豆、雲耳，少少酸辣，勁開胃跟住就係鮑魚和燉湯，鮑魚夠大隻勁有口感燉湯足料又夠火候再黎一盤新鮮刺身，停吾到手口。雞煲炒好之後再加上魷魚栢業豬皮一齊炒，炒一陣已入曬味，雞肉鮮嫩，另剛剛加入的魷魚柏業豬皮就非常爽口。食完雞煲就換上蟹鍋打邊爐，蟹又大又多膏，成個湯黃色蟹味濃郁我地先食海鮮盤，海鮮很新鮮又多，店員仲表示部分海鮮仲可以食完再點，真的非常貼心。海鮮之後就係一大碟新鮮牛頸脊，肉質鮮嫩軟腍而另外既火鍋配料也相當多，值得一提係蝦滑和墨魚滑，勁爽口彈牙，而且入面仲有大舊墨魚真材實料最後仲有燕窩燉蛋白做甜品，不太甜而且勁幼滑