Izumi Curry (已結業)

放工約埋三五知己聊天食飯，放低平日緊張而忙碌的工作，大吃一頓，又可暢所欲言，真是開心至極。今次我哋提議食咖喱，知道附近開咗間日式咖喱，我哋一於試試！入內環境都好舒服，傢俱全部都是木材製成，好原始感覺！再睇餐牌有乜好吃，有飯、烏冬、小吃…… 我哋叫咗吉列豬排咖喱飯、吉列海鮮咖喱飯、芝士鱆魚、芝士炒年糕。先嚟兩個小吃，上枱已聞到好香嘅芝士味，一口咬落鱆魚到好軟淋淋，再爆埋D芝士出來……正呀 再試埋個炒年糕，好咬口，一拉芝士都唔斷，好香軟，好好味呀！主菜嚟啦，賣相唔錯，份量都好足。我嘅海鮮有炸帆立貝、炸蝦及炸魚，一咬已脆卜卜，D咖喱唔會好辣，仲帶点甘甜，好特別。D豬排炸得好鬆軟，啖啖肉配埋咖喱一流。今餐各人食得好滿足