坤記煲仔小菜 (已搬遷) 新店位置

一直想試下坤記嗰個煲仔飯，不過之前次次經親都大排長龍，今日早早地六點鬆少少去到，仲未見到拉龍喎，今次係機會喇小志強。椒鹽九肚魚，爆就爆得夠曬香喇，亦都比起外面食到嘅脆身，不過就冇乜味。西蘭花炒蝦仁，蝦仁夠曬大隻又夠爽，啲腰果真係好食過出面，難得炒完都仲有咁脆。八珍豆腐煲，入面嘅豬雜比起出面多啲，亦都做得好食啲，好耐冇食過豬肚喇，正。白鱔滑雞飯，個飯實在太吸引，加上都期待左好幾年，所以相機今次無得食先，白鱔味道唔錯，不過就唔係咁新鮮囉，雞黎講就真係夠曬雞味又夠嫩滑，打邊爐最緊要係個爐，煲仔飯最緊要嘅豉油，坤記當然冇甩拖啦，個豉油好好味啊。