和味館 (已結業)

【 長沙灣中菜館 】------------------------------呢間中菜館似舊式既酒樓，但由於新開既關係，所以裝修都好新淨企理👍🏻睇過食評都唔錯喎，就一於試下😋😋［ 菌皇醬蒸勝瓜 ］菌皇醬雜菌味濃郁，配埋勝瓜就唔會覺得寡，成碟餸一啲油都無，健康之選😜💪🏻［ 燒乳鴿 ］乳鴿啲皮好脆口🤩肉質幼嫩，調味唔算太鹹，食落鹹鹹香香，配埋啤酒就岩曬喇🍺［ 薑蔥焗蠔 ］侍應推薦薑蔥焗蠔，果然無介紹錯🤤桶蠔十分肥美，隻隻都圓碌碌、脹卜卜，食落鮮甜唔腥。配埋薑蔥炒好有鑊氣，正👍🏻👍🏻