珍味食堂 (已結業)

又係同老公二人世界既時候喇，今日佢收早，去尖沙咀食飯，成日去厚福街H8，爭啲點唔記得藍馬都有好野食，今日去珍味食堂先！原來佢既前身係琛夜食堂！叫左個二人餐，有煙三文魚凱撒沙律麵包粒仲好脆，有粒粒脆煙肉，芝士片，肥美煙三文魚，凱撒沙律泥講佢算好足料！特色餐湯今日餐湯係煙肉青豆湯，好濃既青豆味，唔中意青豆既我都覺得好好味！日式燒烤拼盤燒大啡菇好香，仲要切好一件件，非常細心鹽燒雞翼好食！燒到啱啱好！荔枝煙肉串甜甜地，咸咸地，荔枝味好香唔會被煙肉蓋過，有驚喜！非常夾！本身仲有牛脷，不過我地都唔食牛，所以就唔要嚕，不過店員好貼心轉左豚肉蘆荀卷比我地，好好食呀！豚肉仲有軟骨，我既最愛！！！四選一既主菜我地揀左西班牙烤魚一上枱，哇！好靚呀！好少見烤魚會有一片片翠玉瓜同茄子仲有沙律菜伴碟，沙律菜仲要有沙律醬，又係細心位，翠玉瓜同茄子好多汁，好有心機，個汁好正，辣辣地好惹味，同烤魚非常夾！最後仲有個甜品，係tiramisu！好好食！好香濃軟滑，一間餐廳可以做到上至前菜，下至甜品都咁好食既實在難得！！！完全覺得可以encore！下次同屋企人泥呢度家庭聚先！