一鍋瘋 (已結業)

12月開始凍，約朋友去打個邊爐，人少少揀咗呢間，一人一個鍋試唔同湯底。佢做緊套餐價食海鮮鍋，所以我哋都試左。我哋揀咗菠菜同埋紫薯湯底，剛剛上枱時其實湯底冇咩味道，不過一路煲下煲下，你就會開始食到佢哋湯底嘅味道㗎啦！重點係啲海鮮真係好新鮮，個蟹啲蟹膏勁多，蝦好鮮甜，貝殼類分量好多，佢呢個套餐包左一大堆嘅海鮮，如果唔夠食仲可以平價逐碟加料。佢呢度有一個好特別嘅食材次序教學，有寫到邊樣食物應該煲幾多分鐘，幾貼心。到咗最後佢嘅賣點就係係啲海鮮湯底加上南瓜芋頭粒同飯湖變成粥底，食到最後真係好鬼飽。好滿足。