影片
更多
2024-07-11
2038 瀏覽
今日放假約埋老友食個潮州菜先👫🏼👫🏼👶🏻四人行加個BB，想嚟呢間沙田新城市廣場嘅潮州菜好耐啦，話係國內開落嚟嘅好出名，難得今日平日放假就同朋友6:00走去食，唔使排隊即刻有位！但係所有嘢都好失望😰😰🦐生醃甜蝦：原來只係平時我哋去食日本嘢，超市都有得買嗰啲最細隻最細隻嘅冇頭日本甜蝦，然後有啲辣辣地咁嘅豉油汁，真係自己喺屋企整都得，完全冇諗過係咁，$88十隻☹️☹️🦆滷水方面叫咗滷水鵝上庄、鵝腸、鵝腎，三樣嘢都好腍嘅，完全唔會韌，但係大家不約而同都話冇咩滷水味嘅，一啲都唔香😫🦆另外叫咗韭菜鵝紅，做得好嘅應該係有啲彈性，比起豬紅濃啲，唔會一夾就散晒，但呢間明顯做得唔好，而且味道亦都好淡😫🦪蠔仔烙，用咗太多薯粉，一舊嘢勁硬咁，我奶奶都係潮州人煎蠔仔烙係一定會用薯粉嘅，但係唔會好似佢咁變咗一舊膠咁😩🦪蠔仔粥，味道正常嘅，但係啲飯仲係一嚿嚿未散開，我哋要自己整散啲飯😫而且手機落單嘅時候標明咗免蔥免香菜，再寫明蔥同香菜另上，但係最終係冇跟指示落咗喺個粥入邊，而且份量好少，一鍋粥都分唔到四碗仔滿嘅😩🌿金不換炒薄殼，個汁超級鹹，都唔知自己食緊咩😩其實大家真係未飽，但都唔想再叫其他嘢食，唯有食完埋單去樓下食甜
四人行加個BB，想嚟呢間沙田新城市廣場嘅潮州菜好耐啦，話係國內開落嚟嘅好出名，難得今日平日放假就同朋友6:00走去食，唔使排隊即刻有位！但係所有嘢都好失望😰😰
🦐生醃甜蝦：原來只係平時我哋去食日本嘢，超市都有得買嗰啲最細隻最細隻嘅冇頭日本甜蝦，然後有啲辣辣地咁嘅豉油汁，真係自己喺屋企整都得，完全冇諗過係咁，$88十隻☹️☹️
🦆滷水方面叫咗滷水鵝上庄、鵝腸、鵝腎，三樣嘢都好腍嘅，完全唔會韌，但係大家不約而同都話冇咩滷水味嘅，一啲都唔香😫
🦆另外叫咗韭菜鵝紅，做得好嘅應該係有啲彈性，比起豬紅濃啲，唔會一夾就散晒，但呢間明顯做得唔好，而且味道亦都好淡😫
🦪蠔仔烙，用咗太多薯粉，一舊嘢勁硬咁，我奶奶都係潮州人煎蠔仔烙係一定會用薯粉嘅，但係唔會好似佢咁變咗一舊膠咁😩
🦪蠔仔粥，味道正常嘅，但係啲飯仲係一嚿嚿未散開，我哋要自己整散啲飯😫而且手機落單嘅時候標明咗免蔥免香菜，再寫明蔥同香菜另上，但係最終係冇跟指示落咗喺個粥入邊，而且份量好少，一鍋粥都分唔到四碗仔滿嘅😩
🌿金不換炒薄殼，個汁超級鹹，都唔知自己食緊咩😩
其實大家真係未飽，但都唔想再叫其他嘢食，唯有食完埋單去樓下食甜品😛
張貼
