美中·鴨子 (已結業)

一齊返公司又一齊放工，就梗係同同事食餐好，揀咗食尖沙咀嘅美中鴨子。由於好多同事第日都返早，所以我哋就食六點半嗰轉。我哋就梗係食咗最出名片皮鴨、小籠包、醉雞同埋呢個金華火腿津白。講真片皮鴨就冇我想像中咁好食啦，食開北京個啲嘛。塊皮有少少油不過好彩隻鴨唔係好油配埋一齊食就啱啱好啦。最鍾意食就係嗰個醉雞，佢係一個冷盤雖然份量好少但係配飯一流肉質滑溜，如果分量多番啲就好啦！