黑鉄屋 (已結業)

晚飯唔知想食咩，就開openrice search下附近有咩食。見到li間食拉麵嘅有咁多個like,應該唔會差得去邊，去到門口見入面得兩三枱，再睇佢門口餐牌又好似唔對路，(好怕拉麵鋪除咗拉麵會賣其它嘢，又飯，又sukiyaki)本來想走，但係有個伙計出嚟叫我入去試下。我就即管試下。一坐低俾碟前菜我，我一望好似俾人食剩咁款，心諗不如唔好送啦，叫咗一碗麵同煎餃子，麵一般啦，湯唔夠熱先擺命。餃子偏淡同埋又係唔夠熱。心諗又一次證明多like未必好，叫賣單一睇，碟所謂前菜居然收錢，我真係食咁多拉麵未見過有人會收前菜錢。生意難做都唔係咁搵錢。