綠茶餐廳 (希慎廣場)

營業中

休息中

太耐都冇返過大陸食嘢，有時真係好掛住嗰邊啲餐廳，近排先知道原來綠茶餐廳喺希慎廣場有分店，於是今日收工即刻約埋朋友喺呢度食飯！結果真係幾好喎，環境超級有中國風，而且勁多打卡位，下次一定要中午或者晚餐早啲嚟，冇咁多人嘅時候就可以影好多靚相！食物質素當然都唔差啦，完全滿足到我掛住北上嘅嗰種味道。今日叫咗好多樣嘢都好好食，我覺得其中一樣必點嘅就係個蝦湯泡飯，個蝦湯真係好濃郁，好鮮甜，加埋而家天氣凍凍地，食泡飯就最適合不過 ！鍾意蝦嘅我哋當然唔會錯過佢個粉絲裹蝦，整得真係好惹味，啲蝦亦都好大隻好爽口，非常新鮮！最開心就係有店員會幫你計好時間幫你親自準備好呢碟餸！然後就覺得要叫埋啲青菜，咁啱呢度有高湯蝦乾小青菜，清清地但又夠味，到最後我哋連啲湯都飲埋，都幾推介呢個！後來朋友就話不如叫多個肉，於是就揀咗要個麵餅醬香五花肉，都幾特別，有啲似片皮鴨嘅食法，五花肉肥瘦適中，入面有香濃嘅醬汁，加埋青瓜一齊食，一啖食落去有唔同嘅口感層次。