BEP Vietnamese Kitchen 越灶 (已結業)

我諗係香港，呢間開係k11 musea既bep應該係我食過暫時最好食同比較正宗嘅越南野。我叫過佢哋嘅pho，撈檬，濱海，都好出色。三文魚撈檬係超值之選，有兩大舊燒三文魚，皮脆肉嫩，喺supermarket買兩舊生嘅都要$50啦，呢度都係盛惠$98。pho既湯底最重要，而呢度都無令人失望。燒牛柳，燒雞都一樣好正。今次嗌嘅呢一個係燒雞濱海，我鍾意食濱海因為貪佢夠清爽，出乎意料嘅喺呢度嘅濱海竟然係帶d煙韌，口感好好。