新昌運茶餐廳

營業中

休息中

出開去大埔探朋友，夜晚自然要買飯一齊食，我去左呢間買飯買完之後真係發現中咗超級大伏，好嬲好嬲。我買咗一個薯仔雞飯，返到屋企食嘅時候，薯仔係超級酸，酸到一個無辦法忍受嘅點。坦白講，薯仔係酸嘅，其實仲有啲咩原因啊，你可以同我講話落咗醋去調味，亦都可以好誠實同我講返其實係咩事。但你就選擇同我講話係特登調出嚟嘅，大佬呀，薯仔點會有浸檸檬嘅酸味，我打黎梗係想退貨啦，但你就同我講話係想令到我開胃啲，我真係想死。我一向對唔同餐廳都抱着欣賞嘅態度，呢間餐廳我亦都唔係第一次買，過往食嘅時候，雖然鹹咗啲，但我都覺得冇咩所謂，但今次嘅經歷，真係令我非常唔開心。