新昌運茶餐廳

營業中

休息中

商場入面好細間嘅茶餐廳，傳統港式嘅裝修（唔係而家新興扮傳統玩復古嗰隻）麻雀雖小五臟俱全，有時仲要坐喺電梯底，不過我就冇影相。平時我通常都係去食早餐，沙爹牛肉麵腸仔太陽蛋凍檸茶少甜，個沙嗲牛肉麵真係幾好食。不過聽朋友講佢啲炒粉麵都好出色，所以就趁下午茶時間黎試一試。 今次叫左星洲炒米凍檸茶少甜。拎出黎嗰陣出曬煙香噴噴好有鑊氣，雖然睇落細細碟，但係都幾足料，蝦仁叉燒火腿蛋。咖喱味好香，食落有辣嘅感覺又唔會太辣。米粉食落唔係鋼線嗰隻，不過我都知有人鍾意食鋼線。杯檸檬茶都夠茶味。

搬咗大埔幾個月，初初人生路不熟，我呢啲師奶淨係識去大元同埋大埔新街市買下餸，有次去昌運落車打算行去大元買餸，不過買餸前醫咗肚先，見呢間茶餐廳好多人叫炒飯炒麵，咁就入去叫咗碟楊州炒飯同一杯凍奶茶，其實食茶記都冇乜大期望，都預咗佢地係一早炒定，有客叫先叮返熱啲嘢食比客，但呢間係即叫即炒，熱辣辣咁上枱夠曬鑊氣杯奶茶好好飲，成個餐好似42蚊咁上下（唔知有冇記錯）但份量小，如果大食小小嘅實唔夠食，我細食有時都唔夠喉

下午茶奶茶 + 炒麵，$38 ! 但一啲都唔馬虎！做街坊生意，奶茶幾大杯，而且沖得好飲！重點是炒麵！呢間炒麵好好味有芽菜、豆腐卜、洋蔥，炒得好夠鑊氣！推介：好味：價錢：環境：

今天天氣很熱，晚餐不想吃太多，就到昌運茶餐廳進食晚餐。這間餐廳偶然也會到這裏進食，所以不是第一次光顧。價錢親民，食物質素一向穩定。6:00到達茶餐廳，需要5分鐘時間等位，尚算不太等久。一家人叫了三個餐，分別是榨菜肉絲腸仔午餐肉意大利粉，分量充足，榨菜不太鹹，午餐肉和腸仔有點炒過。第二個餐是雪菜肉絲腸仔蛋米粉，份量也不少，但雪菜太鹹。豉椒牛肉炒河最好吃，上菜時熱辣辣的，分量十足，有鑊氣，家人表示三個餐中，以這個最為滿意。份量不會令你很飽，但當天氣這麼熱時，這個份量卻又剛剛好

大埔昌運中心側門電梯底旁邊有一間其貌不揚而且面積細細嘅茶餐廳，假日或者平日lunchtime行過總會見到好多人喺門口外面排隊，但係有一次實在太肚餓嘅關係，又咁啱行過見到入邊有位，所以就衝左入去啦😂🙈餐牌上面其實有好多唔同種類嘅客飯，只要你講得出啲比較傳統茶餐廳有嘅款佢基本上都有（不過唔包飲品），好似豬扒煎蛋飯、豆腐火腩飯等等，咁啱我去嗰日食粟米魚塊飯做緊套餐包埋飲品，所以就叫左個試試🤤成碟飯用嗰啲好傳統嘅茶餐廳膠碟上台，出到黎真係好有典型茶餐廳嘅味道，而且成碟飯連埋個粟米汁都好足料，唯一要彈嘅係炸魚塊個炸粉好似厚左少少🤭成碟飯連埋凍飲$50 OK啦🥳後記：個次之後我間唔中都有幫襯，主要真係覺得性價比高，而且佢嘅下午茶炸脾同薯條都幾出色🤤如果想食返典型平民嘅茶餐廳我覺得不仿一試😌

出開去大埔探朋友，夜晚自然要買飯一齊食，我去左呢間買飯買完之後真係發現中咗超級大伏，好嬲好嬲。我買咗一個薯仔雞飯，返到屋企食嘅時候，薯仔係超級酸，酸到一個無辦法忍受嘅點。坦白講，薯仔係酸嘅，其實仲有啲咩原因啊，你可以同我講話落咗醋去調味，亦都可以好誠實同我講返其實係咩事。但你就選擇同我講話係特登調出嚟嘅，大佬呀，薯仔點會有浸檸檬嘅酸味，我打黎梗係想退貨啦，但你就同我講話係想令到我開胃啲，我真係想死。我一向對唔同餐廳都抱着欣賞嘅態度，呢間餐廳我亦都唔係第一次買，過往食嘅時候，雖然鹹咗啲，但我都覺得冇咩所謂，但今次嘅經歷，真係令我非常唔開心。

早餐的時候到新昌運茶餐廳食了一份雪菜肉絲米配火腿蛋，然後叫了杯熱鴛鴦。這家店雖然以他的奶茶著名，但當時落去的時候，茶味實在不濃，略淡，然後雪菜肉絲咪有相對比較細分，總結來說性價比不高。

今次俾公司叫去大埔，本來想試啲人氣餐廳，但飯點已氣絶，近近地，兩方面都可以就食。兩方面當然係指價錢同人流，價錢合理，正價基本$40，下午茶$37多杯餐飲，份量唔多，但唔關下午茶事，見叫主餐牌嘅都梗上下。干炒牛河即叫即炒，聽到炒聲，河粉條條分明，色澤可以，唔油，比想像更淡味，果然做屋村生意。肉片軟熟，唔係醃肉粉嘅口感，出色。失敗在芽菜已出葉，又無處理影響口感。雖然滿客時會坐得較迫，食完已有人等位亦唔方便再坐，但以茶餐廳嚟講算唔錯，有回頭價值。

經已是五時許、六時，差不多挨近傍晚，但是內裏也看見不少人，奈何已經等太久未吃東西，友人一枝箭走到最入的位置，就介紹一下有什麼下午茶。友人表示奄列大大份，是最抵食的下午茶，但第一次去，為免一樣，以及避免奄列太大份久久不肚餓，我就點咖喱角吧。下午茶吃咖喱角，也是挺懷舊的選擇，我的是咖喱角拼炸豬扒。咖喱角的體積不大不少，也就是好像平日開派對那款三角形狀。兩邊的角落沒有什麼餡料，中間有少許咖喱，有洋蔥有些肉粒。一如我心所想，炸豬扒也不是吉列豬扒那種，就是茶餐廳炸豬扒，不算太多鬆肉粉，因此肉味香濃；如果只是旁邊肥膏位置，雖然微香，但是難免會比較油膩，就用肥膏拼少許較瘦的地方吃，味道非常好。黏骨的部份，往往最為美味，肉質鬆軟，但是不乏肉香，而且新鮮炸起，夠熱，夠燙，味道確一流。友人的西多士，體積也不少，與大大份奄列密鋪碟子。雖然多士中間亦有少許花生醬，切好之後再加一點糖膠，不會感到過厚，又或是蛋漿不平均而吃到白麵包，蛋漿以及糖膠、花生醬份量剛好，而且也夠熱，因此味道亦不錯。奄列亦都非常之大份，有些雞蛋仍然有點流心狀，而令人更加意料之外的，就是內裏的火腿份量極為豐富，可能拼合起來都有一兩塊完整的火腿

成日經過都會見到依間舊式茶餐廳好多人食，心入面都係有一個問題，點解咁多人食呢。不過，其實自己一路都無試過，今日放假終於的起心肝試下依度既早餐，一如搵答案。 坐底就睇下餐牌，不過無影相了，大家都知道茶餐廳都不外乎個類野。咁我就叫左沙嗲牛肉通粉再加餐肉蛋，加熱咖啡，32蚊。 我覺得通粉係有驚喜，食落仲彈牙，唔會淋哂，沙嗲牛肉食得出有沙嗲味。咖啡都幾香，依份早餐確實係有佢優勝之處。相比連鎖快餐店，我覺得依間舊式茶餐廳食物質素的確勝出，有時間又有位會繼續黎依度食早餐。

朋友遠道而嚟由將軍澳嚟大埔嚟探我身為東道主嘅我梗係要帶佢周圍食好嘢啦先帶佢食韓國面面蒸完腳仔就食個港式下午茶啦我食西多拼豬扒，佢食西多拼雞翼友人因爲食力唔夠我咁勁，諗住食少d所以叫雞翼，點知嚟到原來係兩隻雞全翼，勁抵食西多不算太厚，雖然經過油炸但食落口不覺油膩反而食得出佢有蛋香，的確抵讚煎豬扒較厚身，味道唔錯，食唔到有雪氣，處理得幾好友人雞翼醃得都幾夠味大埔食肆多數都充滿人情味，價錢唔係太貴，但足以食到捧住個大肚腩走，的確唔錯

話說呢間茶餐廳由細食到大, 真係有「家」的感覺架www還有一種叫小店人情味~昨日拔左牙, 一定要食d細同淋既野~發覺終於有野食落到口,｡ﾟヽ(ﾟ´Д`)ﾉﾟ｡身為女仔, 仲可以明正言順飲凍野啦!!凍鴛鴦!(*´∀`)~♥茶餐廳喎!!~~ 唔叫返杯凍鴛鴦真係唔好話去過茶記好香既茶味+咖啡味~ 真係唔係度度飲到架!同媽咪叫左個普通既特餐呢個係餐廳Menu, 有咩餐一眼睇唒其實佢成間餐龐都貼滿野食, 都係佢間餐廳既特色(openrice 圖片)落order 叫左個腿絲太陽蛋通粉, (仲提個姨姨要個超淋) 驚食唔到 இдஇ姨姨建議我食米線, 可能會好d, 不過我最後都係通粉愛好者(*´з｀*)媽咪就叫左個 餐肉腸仔麵由細到大, 都覺得佢地個湯真係好正, 好似唔會太多味精咁個湯好白, 淡淡地, 岩我d病人呀~~~~媽咪個餐肉腸仔麵我個腿絲太陽蛋通粉太陽蛋個太陽呢=口=?!?!?!?!?我好鍾意食蛋黃, 點解會冇左個蛋黃( º﹃º )算了... 基本上我是吃不到蛋黃...因為牙連了線, 不能吃太大件和太熱的東西...還有, 姨姨好好人, 給了我碗仔去慢慢盛出來食要將細粒的通粉再cut一半...平時

怕一個飯唔夠飽，但六點半後所有炸雞扒、炸雞髀、炸雞翼及小食都暫停啊！枝竹火腩飯炒底，好香口有鑊氣炒飯，雖然炒得雞蛋唔多勻巡，依然食得出蛋香，鑊氣迫人！坐係樓面聽到師傅炒到陷陷聲，聲音悅耳！枝竹豆香出眾，半滑半嚥韌有趣可口。火腩無皮既？我想食皮啊！瘦肉軟棉中帶點結實，好有咬口，每口都充滿咸香，純樸不嗆。芡汁香香甜甜，散著蒜香令人回味。乾爽炒飯包住燒肉掛滿芡汁大大啖塞入口，讚不絕口，滿意的味道，一向唔多好飯的我都全部清晒。菜遠牛腩炒河，噴住煙從飄香中送到，感覺到熱力迫人，蠻有鑊氣！索一索香噴噴，舒筋活絡！師傅內功深厚，炒藝純熟，炒得河粉有鑊氣，而且河粉非常完整，唔會碎濕濕。高質菜芯嫩甜多汁，爽口地沒有半點渣。其貌不揚的牛腩，意外地鬆化軟棉，肉質細緻不粗鞋，濃郁牛味不羶不腥，醃味甜美，近乎完美的處理！牛筋個樣好有趣可愛，似足帶子又圓又白雪雪，瀡入口棉棉滑滑，黏黏膠膠的質感，我最喜歡！撈上士拉差辣椒醬酸酸辣辣好開胃，簡直天作之合，粉粉又滑嘟嘟，搞到我越食越肚餓，越食越起勁！三扒兩撥所有食物消失得無影無蹤，連隻碟都想食埋啊！真心非常好味道係。Auntie 話無落芽菜，真好唔洗我續條挑走，萬二分放

功作關係, 成日下午都會去大埔昌運中心, 10次有6次都會去e 間餐廳, 當中10次有10次都會食e 個tea set, 點解? 因為真係平靚正, $27 半份西多+炸脾+凍飲, 邊到搵?仲要每一樣野都唔係Hae, 唔似大家樂d 半份西多咁求其,炸脾又係新鮮炸, 炸得唔老, 又香, 不過略嫌唔夠咸, 自己食每次都會晒少少鹽唯一缺點就係好似遊牧民族, 食完就要閃

悠長的春節假期完了，但依然未 pick up 返工作 mode，慢慢地懶懶地上班，我又選擇了在大埔吃好後再前往香港這一個小島。大埔廣場的也不要再三報導了，是日就鼠過去昌運中心，行入商場的深處，行到差不多近大馬路的出口，商場的其中一個鋪位，就有一間地方細小，檯隨時擺到出商場走廊，名字與商場互相配合的新昌運茶餐廳。我坐在店外的電梯底，在商場通道的中央飲食，感覺特別的奇妙，碰到中學同學時，遠遠的大叫著，"喂 ! 咁悠閒食完早餐先搭車返工呀!" 這一種偷吃被發現的感覺，有點爽......這兒的早餐麵，是一搭二的拖膽選擇，我以五香肉丁做膽，拖上了午餐肉同煙肉，是日的早餐，夠晒豬，而且不是鮮肉的豬，全是經過加工的豬肉製品，極不健康。味道，就是一般的，不過湯底是古式茶記的雞湯底，一早已有鮮甜的味道，肉丁肉厚而不碎，餐肉同煙肉都是煎過才放上麵的，份外的香口，而奶茶就是一般的濃，沒有什麼令我可以大讚的地方。普通的一個公仔麵餐，足夠令你充滿精神就是好。