影片
更多
2008-10-16
同朋友係 openrice 見到呢間牛陣 ,, 特登約埋去 apm 試 開頭仲以為佢係 food court 果度 ,, 但原來係邊邊位黎既 !我地 2 點去到 ,, 門口冇乜人 所以好快就有人安排我地入去門口個 waitress 基本上真係 "淨係問你幾多位 ,, 同埋單位"我同朋友被安排坐係靠牆既 2 人台 ,, 其實都唔係幾夠位放野食環境裝修 ok .. 不過細心發覺 d 牆有好多塵 ,, 而個煲就放係下面 同埋我見到有人痴左粒香口膠係度 .. 唔知邊個咁無公德心一坐低 ,, 放好 d 袋 menu 都未睇 個 waitress 就問我地要咩我朋友話要牛 .. 佢就問 :: 兩個都係 ? (其實唔知午市係咪有得揀唔同)跟住湯同 2 碟牛就 "極速" 送到 ! 我地就即刻出去拎 d 配菜入黎啦 !!!佢 d 牛好薄 ! 塊肉好完整 ! 每碟大約 10 塊左右 ! 都幾新鮮 牛既份量唔會話少 ,, 食埋 d 配菜都已經好飽 ,, 飽到行唔郁 !朋友話 d 南瓜 ,, 芋頭 好好味 !!! 不過菜就好似好烏糟冇洗咁 "'佢 d 配 料有 20 款左右 ,, d 蓮藕切得好厚呀 !!!
開頭仲以為佢係 food court 果度 ,, 但原來係邊邊位黎既 !
我地 2 點去到 ,, 門口冇乜人 所以好快就有人安排我地入去
門口個 waitress 基本上真係 "淨係問你幾多位 ,, 同埋單位"
我同朋友被安排坐係靠牆既 2 人台 ,, 其實都唔係幾夠位放野食
環境裝修 ok .. 不過細心發覺 d 牆有好多塵 ,, 而個煲就放係下面
同埋我見到有人痴左粒香口膠係度 .. 唔知邊個咁無公德心
一坐低 ,, 放好 d 袋 menu 都未睇 個 waitress 就問我地要咩
我朋友話要牛 .. 佢就問 :: 兩個都係 ? (其實唔知午市係咪有得揀唔同)
跟住湯同 2 碟牛就 "極速" 送到 ! 我地就即刻出去拎 d 配菜入黎啦 !!!
佢 d 牛好薄 ! 塊肉好完整 ! 每碟大約 10 塊左右 ! 都幾新鮮
牛既份量唔會話少 ,, 食埋 d 配菜都已經好飽 ,, 飽到行唔郁 !
朋友話 d 南瓜 ,, 芋頭 好好味 !!! 不過菜就好似好烏糟冇洗咁 "'
佢 d 配 料有 20 款左右 ,, d 蓮藕切得好厚呀 !!! 正 我鐘意 !!!
d 菇類都勁大舊又新鮮 ! 豆卜超正 ! 不過羅白唔夠甜 !
d 粉絲同出面既冇咩分別 ,, 但 d 烏冬就好彈牙好好好好味*
哈哈 其實大部份都係普通打邊爐既材料 ,, 但新鮮過酒樓架 !!
同朋友食食下發覺似雜菜煲多 d 哈哈 .. 但食完真係好滿足 !!
仲有 佢 d 麻醬超好味 *U* 我淨係點麻醬冇落甜豉油都夠晒味
埋完單即刻出去望下雪糕有咩味 ,, 但得 strawberry 同 vanilla
我同朋友都冇食到 ,, 因為我地都鐘意食朱古力 !!!
係 openrice 睇過食評先去 ,, 其實對佢 d 服務態度冇咩期望
但我同朋友都覺得 ,, serve 我地果個後生既 waiter 好積極呀 !
- 我跌左條菜又唔會扮見唔到 ..即刻好快咁執左佢 !
- 張台太細 我食食下個手爭撞到個杯 佢又即刻過黎話幫我收左佢 !
- 不停幫我地加水加湯 唔洗我地自己出聲 !
我同朋友真係想問佢 :: 請問你係咪淨係負責我地呢一張台 ? 哈哈
食左 9 個字 ,, 個經理就目口目面咁過黎問我地有冇其他野要
如果冇既就埋左張單先 ,, 又唔算態度差既 .. 不過唔係友善囉
我諗佢午市冇咩人都唔會趕你走 .. 我地自己走係因為唔好意思 = =
埋單每人 $55 ,, 食到咁飽 .. 主角牛肉同配菜又唔錯 ! 仲想點先 !
最慘係得 60 分鐘 同朋友講講下笑都要話 :: 爭取時間 唔講住 食完先
以 $55 咁抵一餐 lunch 黎講 .. 一定有下次 !
張貼
