有鑊氣-酸菜魚 (醫局街)

營業中

休息中

鍾意幫襯呢D小店就係貪佢地D小炒有鑊氣，呢間亦唔例外，就連個名已經話咗比你知。今晚最好食係個生炒糯米飯，佢炒得夠乾身，而且唔會好油，糯米、臘味、蔥花同花生嘅香味混雜在一齊就係好好味。如果無記錯，呢碟個名應該係黃金竹炭豆腐，D竹炭豆腐炸得好透，真真正正外脆內軟，值得Encore。小炒皇味道都唔錯，其實小炒皇入面嘅用料唔同舖頭都係大同小異，最緊要係夠鑊氣，呢道做得到。咕嚕肉就叫錯咗，其實心入面係想叫冰鎮嗰隻，我又唔知佢有普通嘅咕嚕肉，而侍應姐姐又無提我地，無計啦，好彩味道都唔錯，估計有冰鎮嗰隻應該會更好味。佢個蠔餅就相對麻麻地，可能前面嗰D太好所以有比較啦。