影片
更多
2020-10-19
59 瀏覽
最近秋風起，天氣涼涼地，最適合就係打邊爐！為食仔係同事既打邊爐飯堂，係佢大力推介下，呢日一齊去開餐。餐廳環境唔錯，枱與枱之間都會有隔板，有適當距離，感覺衛生安全；而且店員服務熱情有耐心，為諗唔到食咩既我地提出左唔少意見。呢到淨係湯底已經有唔少選擇：特色卜卜蜆，雞煲、龍蝦鍋底、魚鍋底、雞煲翅、清湯鍋底，加埋超過二十款，而且款款都好吸引。是夜我地點左招牌龍蝦海鮮鍋、至尊牛拼盤、蝦膠釀豆卜同特式四寶墨魚丸。飲品就要左柚子鮮果沙冰同鹹檸七。📣招牌龍蝦海鮮鍋 $298賣相震撼呀！一打開個煲，海鮮滿滿的，面頭有大大隻龍蝦，下面有海蝦同蜆，最底有娃娃菜。龍蝦肉鮮甜彈牙，海蝦鮮味十足，蜆肉飽滿冇沙，由於龍蝦湯底十分鮮甜濃郁，令到娃娃菜都好清甜好好味呀！📣至尊牛拼盤 $448至尊牛拼盤用上港女點心架，又一打咭既必點菜式！入面有安格斯、牛肩胛、牛頸脊、吊龍及牛柳粒，一次過可以有幾款不同既部位之餘，份量仲幾多，呢個拼盤真心好睇又抵食！安格斯油脂甘香，肉質嫩滑，入口即融；牛肩胛、牛頸脊牛味香濃；吊龍帶點爽口，牛柳粒鮮嫩，肉質軟腍。📣蝦膠釀豆卜 $68蝦膠結實彈牙，一咬就知足料喇，連埋煙韌豆卜，雙重口感，更加
餐廳環境唔錯，枱與枱之間都會有隔板，有適當距離，感覺衛生安全；而且店員服務熱情有耐心，為諗唔到食咩既我地提出左唔少意見。呢到淨係湯底已經有唔少選擇：特色卜卜蜆，雞煲、龍蝦鍋底、魚鍋底、雞煲翅、清湯鍋底，加埋超過二十款，而且款款都好吸引。
是夜我地點左招牌龍蝦海鮮鍋、至尊牛拼盤、蝦膠釀豆卜同特式四寶墨魚丸。飲品就要左柚子鮮果沙冰同鹹檸七。
📣招牌龍蝦海鮮鍋 $298賣相震撼呀！一打開個煲，海鮮滿滿的，面頭有大大隻龍蝦，下面有海蝦同蜆，最底有娃娃菜。
龍蝦肉鮮甜彈牙，海蝦鮮味十足，蜆肉飽滿冇沙，由於龍蝦湯底十分鮮甜濃郁，令到娃娃菜都好清甜好好味呀！
📣至尊牛拼盤 $448至尊牛拼盤用上港女點心架，又一打咭既必點菜式！入面有安格斯、牛肩胛、牛頸脊、吊龍及牛柳粒，一次過可以有幾款不同既部位之餘，份量仲幾多，呢個拼盤真心好睇又抵食！安格斯油脂甘香，肉質嫩滑，入口即融；牛肩胛、牛頸脊牛味香濃；吊龍帶點爽口，牛柳粒鮮嫩，肉質軟腍。
📣蝦膠釀豆卜 $68蝦膠結實彈牙，一咬就知足料喇，連埋煙韌豆卜，雙重口感，更加好食。
📣特式四寶墨魚丸 $108四寶墨魚丸，四款口味包括：黑松露墨魚丸、芝士墨魚丸、鵝肝墨魚丸、墨魚奶黃包，手打墨魚丸鮮味十足，非常彈牙，四個味道入面，我最鐘意黑松露，食落黑松露香氣十足，香氣久久不散；鵝肝口味亦令人留下深刻印象，一黎呢個選擇比較特別，二黎鵝肝同墨魚咪道原來都好夾！
📣柚子鮮果沙冰 $42柚子沙冰入面真係有柚子粒，而且味道清甜，解油解膩。
📣鹹檸七 $21同事嘅鹹檸七。
張貼
