影片
更多
2018-08-11
75 瀏覽
今日我去咗旺角彌敦道嘅譽發廣場同一班朋友食一間中越泰嘅餐廳， 本menu有好多菜式， 好多款菜式都好想試， 不過好彩我哋人數都唔少， 可以試比較多嘅菜式!越式拼盤 $188個拼盤四個人都夠食，有札肉，炸越南春捲，豬肉蝦片，蒸粉包等等。！ 扎肉係一般越南餐廳提供嘅嗰種質素， 味道正常 。個炸越南春捲上枱嘅時候係熱辣辣，咬落去個外皮脆卜， 入面包住蘿蔔絲粉絲木耳絲肉碎等， 點甜酸醬好好食， 我食到有一陣胡椒嘅香味， 好好食! 豬肉蝦片塊蝦片上枱嘅時候已經唔係太脆，個豬肉醃都好入味，不過有少少過咸，淡番少少會比較好食。 個蒸粉包入邊係有好多配料 ，例如有木耳肉碎蘿蔔絲， 粉皮好滑！椰子烏雞排骨燉湯 $72我飲咗幾啖個椰子烏雞排骨燉湯，好清甜，椰子味好濃! 飲得出碗湯係冇落過任何味精，喺咁炎熱嘅夏天飲碗感清甜嘅湯真係一大享受!花旗參烏雞排骨燉湯 $72對比起個椰子烏雞湯 ，我仲加家鍾意飲呢個花旗參烏雞排骨燉湯!因為佢個花旗參味好濃， 飲完之後有少少回甘， 有一陣我好鍾意嘅中藥味道，飲落去嘅感覺好健康!串燒沙嗲豬牛雞各兩串 $122食泰國菜係唔可以唔叫串燒嘅!我哋叫咗豬牛羊各兩串。本人就覺得個雞
越式拼盤 $188
個拼盤四個人都夠食，有札肉，炸越南春捲，豬肉蝦片，蒸粉包等等。！ 扎肉係一般越南餐廳提供嘅嗰種質素， 味道正常 。個炸越南春捲上枱嘅時候係熱辣辣，咬落去個外皮脆卜， 入面包住蘿蔔絲粉絲木耳絲肉碎等， 點甜酸醬好好食， 我食到有一陣胡椒嘅香味， 好好食! 豬肉蝦片塊蝦片上枱嘅時候已經唔係太脆，個豬肉醃都好入味，不過有少少過咸，淡番少少會比較好食。 個蒸粉包入邊係有好多配料 ，例如有木耳肉碎蘿蔔絲， 粉皮好滑！
椰子烏雞排骨燉湯 $72
我飲咗幾啖個椰子烏雞排骨燉湯，好清甜，椰子味好濃! 飲得出碗湯係冇落過任何味精，喺咁炎熱嘅夏天飲碗感清甜嘅湯真係一大享受!
花旗參烏雞排骨燉湯 $72
對比起個椰子烏雞湯 ，我仲加家鍾意飲呢個花旗參烏雞排骨燉湯!因為佢個花旗參味好濃， 飲完之後有少少回甘， 有一陣我好鍾意嘅中藥味道，飲落去嘅感覺好健康!
串燒沙嗲豬牛雞各兩串 $122
食泰國菜係唔可以唔叫串燒嘅!我哋叫咗豬牛羊各兩串。本人就覺得個雞肉最好食，因為佢嘅調味啱啱好，點個沙嗲醬就已經好夠味。而且佢嘅雞肉燒得幾好，雞肉一啲都唔鞋， 豬肉串燒都唔錯， 肉質都算滑嫩，但係我就覺得個串燒牛就有少少過鹹，點番沙爹醬就對我嚟講太重口味了~
半隻海南雞 $160
呢隻海南雞上枱嘅時候 個溫度係偏凍， 有少少似食凍雞嘅感覺! 佢哋個白鹵水汁醃得隻雞好入味，啲雞皮可能冷縮熱脹嘅關係已經變得非常有彈性，一啲都唔油膩!個雞肉嘅肉質都幾滑，連雞皮食係最好食~ 而佢隻海南雞因為本身已經好入味，我係唔需要再點任何醬汁就可以食，不錯!
香茅泰式明爐烏頭 $198
條烏頭好大條，佢係已經預先整熟咗。上枱嘅時候同個酸辣醬汁分開上，有個店員將啲醬汁倒落去條烏頭到，再一齊加熱。 佢個酸辣汁唔算太辣， 但係個孫度就令到成條魚好開胃， 魚肉嘅肉質都算滑溜， 吸曬啲酸辣汁好好食 ，個酸辣汁仲有好多菇類，蝕嘅時候口感都好豐富， 整體嚟講條魚唔算太辣，好易入口。
欖菜肉鬆四季豆 $96
西季豆炒得好脆好爽口，連埋肉碎食可以撈埋成碗飯 ，欖菜唔算太多， 所以唔會過鹹， 食番碟菜都健康啲!
黑松露野菌炆伊麵 $98
因為我哋叫得太多肉，所以我哋都想叫番啲澱粉質。 平時好少見到有黑松露炆伊麵，所以我哋決定試下!佢嘅黑松露味都幾濃， 每一條伊麵都有黑松露既味， 而且個伊麵炒得一啲都唔油，好乾身，非常好食!
越南蒸餾咖啡兩杯 $90
佢嘅底層係有一層煉奶，然後上面就滴啲咖啡出嚟。當啲咖啡滴完之後就撈埋啲煉奶倒落冰度一齊飲。佢嘅咖啡味超濃超香， 如果鍾意飲咖啡嘅朋友一定好鍾意飲呢一杯越南咖啡。
Yogurt combo $50
加咗青檸既益力多，簡單好飲!
張貼
