燒烤堂

營業中

休息中

阿囡終於考完試，黎等我收工過銅鑼灣食返餐好兼打卡😋心思思想去食燒烤堂好耐，終於去到🍖其實我哋成家都好鐘意食燒烤，邊食邊傾邊飲兩杯🍻，不過就唔係樣樣都啱小朋友食，燒烤堂燒烤嘅一大賣點，就係有晒港西日韓泰川新疆咁多款地方嘅口味，啱晒唔同人嘅口味，另外佢嘅自家產品亦都非常出色超級鍾意佢哋嘅自家產品，其中豚肉節瓜波板糖，豚肉多汁加埋啲節瓜唔會太油膩，加分位配埋月見，非常好食；自家產品仲有雞皮墨魚滑，燒到脆嘅雞皮包住彈牙嘅墨魚滑 ，都係非常推介👍🏼而爸爸至愛蒜蓉燒廣島蠔 ，燒嘅時間啱啱好，蠔身依然鮮嫩；牛胸爽 （即牛白肉） 平日打邊爐食得多，第一次燒烤食佢，估唔到有幾有驚喜，依然係一樣咁有口感，不自覺食多咗幾串🥰今日仲俾我哋食到限量嘅 鹽燒三皇雞腿肉 ，平時燒烤好少點雞髀，但係呢度切到細細嚿，一啖一嚿，而且唔嚡，推👍🏼仲有其他海鮮野菜甜品嘅燒烤款式，而除咗燒烤呢度仲有唔同嘅前菜同主食，啱晒要有澱粉到肚嘅阿囡😂而家日本啤酒仲要買一送一，超抵！