麥蛋糕

營業中

休息中

呢兩個月幫襯左三次，三次買唔同味⋯⋯呢類台式蛋糕普遍口感綿密濕潤，同食日式、西式蛋糕好唔同⋯⋯可能係文化差異啦，我覺得香港D台式蛋糕好食過淡水個D，比較香同味濃⋯⋯離題，講返麥蛋糕三種口味先：第一次：原味非常非常重蛋味！鍾意食蛋嘅人會超鍾意！⋯⋯老公帶左一半返公司請同事食，已經放咗喺雪櫃一晚，同事仍然超好評！我自己就麻麻，唔慣咁重蛋味。第二次：綠茶紅豆綠茶蛋糕中間有粒粒紅豆，雖然茶味唔太濃，切啱個截紅豆比較少，但感覺清新唔會好甜，凍食更好食。第三次：流心芝士蛋糕試左叮熱同凍食，個人覺得熱食正D，芝士夾心溶溶地鹹鹹地，同甜嘅蛋糕幾夾，難怪最多人排隊等。其他口味仲有朱古力，同新出嘅黑糖。至於服務呢⋯⋯讚：早餐時間九點左右已經開門，呢個時段比較少人，唔駛點排⋯⋯同埋可以買半條，價錢實惠。彈：有次見到個男士排到入去話兩條，店員話每人限買一條，佢太太其實見迫人係店外等緊，但係都唔通融，一定要太太入埋鋪頭至算數，稍欠彈性。