影片
更多
2023-07-20
2091 瀏覽
7月9日同家人去西九龍中心，3:00鐘有啲餓，就突然想去飲下午茶。去到7/F 呢間凱日時大約3:05，問門口知客依家仲有無下午茶，佢無答我就話：我帶你入去。正常人聽到都assumed 當時入座都無問題。知客帶我地去張未執嘅枱，然後叫一個侍應幫我地執枱。個侍應好慢動作咁執枱，執左成5分鐘（我地兩大一小，果張係細枱！），之後竟然係架放滿污糟杯碟嘅車仔上攞壺熱水，同一個洗杯碗嘅大兜比我地，我睇到眼都突埋。我地坐低後，無人幫我地開茶及開卡，我地亦無問，直到畫好點心紙叫侍應落單時，個侍應竟然話：「我地依家唔接單架啦，落唔到。」個態度仲要乞人憎到呢！當時未夠3:30，而點心紙上明明寫住下午茶時間係2:00-4:00！我地好不滿，佢竟然黑面話「係落唔到就落唔到，叫經理都無用」。我地叫佢行開，搵另一個侍應搵經理過嚟，跟著佢叫個女部長過黎，個女部長亦舉手示意黎緊。但個部長差唔多黎到時，竟轉方向走去同另一個侍應推大圓枱面。我火都黎大聲叫佢「你埋黎處理左件事先好喎！」個部長黎到聽到我地要落單但侍應唔接，第一句又係話「我地3:30截單」，跟著就想走。我即刻喝住佢咪走：「依家都未夠3:30，你即刻同我落單！落完
知客帶我地去張未執嘅枱，然後叫一個侍應幫我地執枱。個侍應好慢動作咁執枱，執左成5分鐘（我地兩大一小，果張係細枱！），之後竟然係架放滿污糟杯碟嘅車仔上攞壺熱水，同一個洗杯碗嘅大兜比我地，我睇到眼都突埋。
我地坐低後，無人幫我地開茶及開卡，我地亦無問，直到畫好點心紙叫侍應落單時，個侍應竟然話：「我地依家唔接單架啦，落唔到。」個態度仲要乞人憎到呢！
當時未夠3:30，而點心紙上明明寫住下午茶時間係2:00-4:00！我地好不滿，佢竟然黑面話「係落唔到就落唔到，叫經理都無用」。我地叫佢行開，搵另一個侍應搵經理過嚟，跟著佢叫個女部長過黎，個女部長亦舉手示意黎緊。但個部長差唔多黎到時，竟轉方向走去同另一個侍應推大圓枱面。我火都黎大聲叫佢「你埋黎處理左件事先好喎！」
個部長黎到聽到我地要落單但侍應唔接，第一句又係話「我地3:30截單」，跟著就想走。我即刻喝住佢咪走：「依家都未夠3:30，你即刻同我落單！落完單覆我有咩點心係無嘅，如果咩都無我就起身走！」
結果又係一去無回頭，我地等左一陣就去cashier 追問時，「佢竟然卸膊話：我叫左waiter 攞落單紙比你架啦。」但其實根本就無叫人攞，因係睇住佢果一刻先係部機度print張落單紙出黎。
去到4:00，都未食完野就埋黎叫埋單，我地都無出聲照埋單。但過左唔夠10分鐘，一個男經理竟然行埋黎叫我地：「唔該將張枱推埋黎我呢邊（佢係叫我地推，而唔係容許佢推），我要用板間房」，我當堂著左，我話：「你真係好意思埋黎叫我推枱架喎，我係度做waitress架？仲有，你唔知頭先發生咩事咩？仲敢黎煩我地？」
個經理竟然話：「我知咩事，但我要間房，可唔可以推張枱過黎？」我好火滾話：「唔可以呀！」，跟著佢就走左去，但一路行一路大聲話「食得咁唔開心就唔好黎啦！」，我家人聽到即刻黎料大聲鬧佢「一早知你地做野咁衰就一定唔黎啦！唔會有下次!」
呢間野完全係上樑不正下樑歪，有咁無禮貌嘅經理，下邊啲部長同侍應又點會知咩叫服務！一定無下次
張貼
