影片
更多
2019-05-31
620 瀏覽
有個aspiring食評人嘅同事睇完某雜誌介紹Dood 就話要組隊去試食Gelato，適逢黄昏時份要去灣仔就約埋放工一齊去。(最後，唔知點解係得返我同嗰位同事兩個。)地舖出邊就係巴士站，算係對正大街，不過灣仔地鐵站起行都要8-10分鐘先到到。入到去，舖細細，位有四個，都已經坐左人，但係無人等緊落單，店主見我地兩頭擰搵餐牌，就指指旁邊塊黑板話今日啲味響哂上邊，但係就已有幾款無哂了 (其中有個乳酪同焙茶，想試，但係已無哂)。響決定食邊隻味之前，梗係試下啲味先。試左西瓜、菠蘿、青檸、紅桑子 (原來試極都係水果味...), 都幾好食，食出真正嘅水果味出來，其中最鐘意嘅係西瓜，因為味道非常清新。試味期間，職業病發作，係咁味店主問題，例如點解叫誠實朱古力呀、哩樣點整嗰樣點整呀咁，店主都係非常樂意地一一回答我地嘅問題。當然除左秘密recipe之外，店主都係用心解釋同回答，係我地問到試到有啲唔好意思時，先決定落單叫Gelato。我叫左一球 Evil Earl Grey ($45)，而同事係叫左開心果同西瓜。其實，我係唔鐘意飲伯爵茶，覺得隻酸味怪怪地，但係做左雪糕或者macaron就食喎。哩個Earl
地舖出邊就係巴士站，算係對正大街，不過灣仔地鐵站起行都要8-10分鐘先到到。入到去，舖細細，位有四個，都已經坐左人，但係無人等緊落單，店主見我地兩頭擰搵餐牌，就指指旁邊塊黑板話今日啲味響哂上邊，但係就已有幾款無哂了 (其中有個乳酪同焙茶，想試，但係已無哂)。
響決定食邊隻味之前，梗係試下啲味先。試左西瓜、菠蘿、青檸、紅桑子 (原來試極都係水果味...), 都幾好食，食出真正嘅水果味出來，其中最鐘意嘅係西瓜，因為味道非常清新。試味期間，職業病發作，係咁味店主問題，例如點解叫誠實朱古力呀、哩樣點整嗰樣點整呀咁，店主都係非常樂意地一一回答我地嘅問題。當然除左秘密recipe之外，店主都係用心解釋同回答，係我地問到試到有啲唔好意思時，先決定落單叫Gelato。
我叫左一球 Evil Earl Grey ($45)，而同事係叫左開心果同西瓜。其實，我係唔鐘意飲伯爵茶，覺得隻酸味怪怪地，但係做左雪糕或者macaron就食喎。哩個Earl Grey茶味濃，偏酸，做成Gelato就啱啱好。個同事個開心果係好食嘅，仲有微粒果肉，不過如果隻味可以做到仲有少少烤/炒過嘅開心果味，咁就梗加突出。食完之後，同事再叫多兩隻味黎試，話要支持一下喎。哩次叫左朱古力同芒果(無影相) ，朱古力味濃而不膩，芒果清香味甜。哩位識食同事比Dood嘅評分係不錯嘅，仲話會回頭再試添。
其實寫要特登敍述同店主交流嘅情形，係因為感覺到店主係用心做產品，同客人交流，帶出小店嘅情懷。即係其實去意大利食Gelato都唔係間間好食，一樣有化學味重嘅舖頭。咁響香港食到好食嘅有(真材實)料嘅，支持一下都唔過份啩。希望店主用心經營賺到錢(其實短短20分鐘，都見有十零個客入黎，食飯時間算係咁?)，唔好比現實磨滅哂熱情啦。
張貼
