倫哥火鍋私房菜 (已結業)

今日同屋企人去打邊邊，但係我哋又想食雞煲，所以揀咗一間先食雞煲，然後打邊爐邊既。一去到，就生果盤，好甜啦！之後就有個雞煲，因為屋企人太唔食得辣，所以我哋帶叫咗個BB辣啦，但係都幾入味，尤其啲洋蔥，真係好好食。食完雞煲之後，就去到打邊邊嘅重頭戲，每個海鮮拼盤都真係好澎湃，最正就係除咗蟹、生蠔、貴妃旁之外，其餘嘅海鮮都可以追加㗎 ，真係好抵呀。特別一讚個湯底，係水果湯底，真係超級正！！第一次食西瓜湯底，感覺好新穎，真係估佢唔到原來甘甜，到最後尾食到再加上啲海鮮，真係甜到不得晒了。好多配料仲可以無限追加，真係食到滿肚腸肥，捧住個肚走。除咗雞煲加打邊爐邊之外， 最good飯後甜品都好有驚喜，燉蛋白好滑，又唔會太甜。成餐都食得好開心