冬蔭公公 (已結業)

這天與友人行popcorn , 跟住梗係搵野食啦, 行行下發現天橋通去另一個商場, 就係將軍澳中心, 跟住就搵到呢間野食。因為港島區未有呢間野,所以試下啦! 首先, 話明店名冬蔭公公, 梗係要飲冬蔭公湯啦! 最好係唔食得辣的可以叫少辣,甚至bb 辣 ,啱晒口味, 雖然係少辣, 但係一d 都唔會淡, 好香, 好足料, 好多香茅。。。。木瓜沙律~木瓜絲足料又大碟, 正宗又香口,友人吃了少許後就說太辣吃不到, 結果我成碟食晒。海南雞飯 ~ 雞肉夠滑同夠雞味, 黃油! 有薑蓉, 醬油同辣醬點。燒猪頸肉~猪肉好夠淋, 推介個沙嗲汁，超香沙嗲味。馬來脆雪山~係一個甜品，賣相已經好吸引, 入面係咩黎呢? 原來入面有花生同糖, 好得意好特別, 用手自己一塊一塊撕出來食, 甜甜地脆卜卜!凍馬來拉茶~ 最後來一杯拉茶, 好正宗之風味!原來冬蔭公公已經有3間店, 呢間係第3間,希望佢港島區有會開分店啦！