甜水 (已結業)

經過旺角見到一間糖水店，就俾佢嘅餐牌吸引咗，好睇得出佢成間舖頭無論係招牌或者係餐牌都係好用心設計。鍾意睇圖嘅我啱晒，餐牌非常高清，糖水睇落好吸引。🔱腐竹雞蛋白果薏米蓮子甜水 $34平時腐足雞蛋糖水食得多啦，今次呢個仲加埋薏米同埋蓮子，口感度大大增加，而且薏米仲可以消水腫去濕，營養價值又大大提升。而且佢最特別嘅地方就係佢雞蛋係成個雞蛋喺入邊，食完超滿足。🔱薑湯番薯甜水 $25超強驅寒暖身系列，呢個係我媽咪最鍾意飲嘅。佢有番薯係好足料，平時其實食幾舊番薯都已經會飽，加埋飲晒成碗薑湯，真係暖意在心頭。