影片
更多
2022-04-20
181 瀏覽
今次終於試到尖沙咀呢間小店～雖然佢營業時間係12:30至8點，但上次6、7點去到已經賣哂🥲老闆話每日既湯都係限量，每晚收工落閘就開始煲湯，煲到凌晨然後朝早再繼續煲。如果一煲湯賣哂就要再等收工先再煲🤭今次一點左右去到，點知都係要排差唔多一個鐘先入得🥶店內只有六個座位，但個個都唔介意排隊，可見呢間小店既厲害👍🏻Menu好簡單只有三款湯麵同一個牛堡，對於有選擇困難人士絕對係好事😆今次同朋友叫左兩款湯麵：金華火腿雞濃湯roast牛肉伊麵及海蝦濃湯roast牛肉伊麵每一份牛肉同麵都係老闆接左單先開始火炙、手切、碌麵。而客人坐低都可以透過大玻璃睇到師博係廚房用心準備既情況～海蝦濃湯roast牛肉伊麵 ($75)每次食湯麵第一件事都要飲湯先，因為湯係一碗麵既靈魂😎而老闆一直堅持真材實料，唔會落味精。飲完果然冇令我地失望，仲情不自禁wow出聲😯因為蝦味超級濃郁同鮮甜🦐間中仲會食到一粒粒蝦子，略嫌湯既味道稍鹹🤭但呢間既蝦湯已經做得好出色👏🏻老闆都好有誠意用伊麵，有別於一般拉麵湯麵店。夾起伊麵見到麵好掛湯，證明啲湯好足料🤩而每一份麵都會另外跟一份燒牛肉🥩本身諗住呢間主打麵湯，七八十蚊，牛肉應該都係普通肉🤔
雖然佢營業時間係12:30至8點，但上次6、7點去到已經賣哂🥲
老闆話每日既湯都係限量，每晚收工落閘就開始煲湯，煲到凌晨然後朝早再繼續煲。
如果一煲湯賣哂就要再等收工先再煲🤭
今次一點左右去到，點知都係要排差唔多一個鐘先入得🥶
店內只有六個座位，但個個都唔介意排隊，可見呢間小店既厲害👍🏻
Menu好簡單只有三款湯麵同一個牛堡，對於有選擇困難人士絕對係好事😆
今次同朋友叫左兩款湯麵：
金華火腿雞濃湯roast牛肉伊麵及海蝦濃湯roast牛肉伊麵
每一份牛肉同麵都係老闆接左單先開始火炙、手切、碌麵。
而客人坐低都可以透過大玻璃睇到師博係廚房用心準備既情況～
海蝦濃湯roast牛肉伊麵
5 瀏覽
0 讚好
0 留言
每次食湯麵第一件事都要飲湯先，因為湯係一碗麵既靈魂😎
而老闆一直堅持真材實料，唔會落味精。
飲完果然冇令我地失望，仲情不自禁wow出聲😯
因為蝦味超級濃郁同鮮甜🦐
間中仲會食到一粒粒蝦子，略嫌湯既味道稍鹹🤭
但呢間既蝦湯已經做得好出色👏🏻
老闆都好有誠意用伊麵，有別於一般拉麵湯麵店。
夾起伊麵見到麵好掛湯，證明啲湯好足料🤩
而每一份麵都會另外跟一份燒牛肉🥩
本身諗住呢間主打麵湯，七八十蚊，牛肉應該都係普通肉🤔
點知老闆連牛肉都要用靚牛🤩
燒得好腍，牛肉味都幾重，而且牛肉上都會撒上櫻花蝦同蔥花，令食入口既層次更加豐富💯
金華火腿雞濃湯roast牛肉伊麵
1 瀏覽
0 讚好
0 留言
金華火腿雞濃湯roast牛肉伊麵($80)
因為麵同牛肉都係一樣，所以只係集中講湯。
如果頭先個海蝦湯10分有8分既，今次呢個我會俾11分😍
火腿咸香味同個湯好夾，但又唔會做到過鹹，而係會令你想一啖接一啖繼續飲落去🤤
估唔到一間湯麵店會飲到足料零味精老火湯，我地一邊飲一邊嘩，完全感受到老闆用足120%心機去煲🥰
真係唔洗講咁多，你地去試完就完全明白😌
飲到底仲會見到少少金華火腿絲👍🏻
總結今次呢兩個湯味都好高質，而且價錢好平民，每日既湯都好限量。
由於店面只有6個座位加上老闆每份麵都係即叫即整，所以就算坐低都要預大約20分鐘去等🙈
由落單、煮麵、煲湯、收碗、洗碗都係一腳踏，做到一絲不苟💯
店主仲會間中同食客吹幾句水，收集食客既意見，咁有心機特色同人情味既餐廳要大力支持，期待下一次再黎‼️
張貼
