六六六六火鍋

營業中

休息中

同事介紹天后有間六六六六火鍋好正，食材新鮮湯底足料，今日約埋朋友一齊去試吓先！火鍋店燈光明亮，裝潢雅潔，入座後唔見有爐，見侍應將煲放在枱上，然後開掣，原來爐是在枱內。鴛鴦火鍋湯底真材實料，自選咗兩款，祖傳老香港沙嗲鍋，辣辣哋濃稠惹味。一品酸菜白肉鍋，大量酸菜白肉足料熬製出黎既醒神酸味，十分惹味過癮。白肉軟嫩而且份量都唔少。炸響鈴拼炸魚皮，炸響鈴皮層酥脆突出了豆香，炸魚皮脆且無腥味。黑豚肉 肉質鮮嫰, 油花細緻 ，因為薄切，只需輕輕灼幾下就食得，入口鮮甜嫩滑。師傅手打鮮蝦滑，擺設精緻，用咗新鮮蝦打到「起曬膠」，灼熟後咬落去啖啖鮮蝦肉，味道鮮甜彈牙。本地生菜亦好新鮮，葉片鮮嫩，飽滿肥厚，呈翠綠色，味道香脆可口、清爽宜人。新竹米粉Q弹細滑，浸入湯底滾一陣就食得，浸在沙嗲湯底味道帶點辣好惹味，浸在酸菜白肉湯底，味道鮮香酸甜。各有特色。