影片
更多
2023-04-28
2447 瀏覽
早兩月已經喺媒體知道呢間蝦麵專門店嘅存在，亦好佩服有人肯咁純粹咁堅持用人手同每日幾個鐘去熬製一個蝦湯底，相信喺日本都未必有拉麵店會咁做，所以千方百計搵機會去試，今晚，亦體會到顧客嘅熱情。 夜晚7點10分到達，門前已有人龍，數數店內僅有7個位(吧檯本來有兩個位，但如果坐埋客，會阻塞厨房嘅出路，所以坐晒得七個位)應該要等一轉。 排緊隊都已經聞到好濃烈嘅蝦香味，現場所見，食客都好體諒，用餐完都即時騰空座位以便其他客人幫襯。呢次排咗45分鐘先到我入座，如果大家想食，不妨早少少到，除咗節省排隊時間，亦可避免食品沽清。 當日店家只賣一款蝦湯底。可選拉麵或刀削麵。配菜本來可以揀溏心蛋、鮑魚、蝦同海螺，不過除溏心蛋外乜都賣晒，所以只係試到溏心蛋。店內見到夢王嘅旗仔，應該店內賣嘅都係呢款高級日本蛋。店內亦有供應汽水、波子汽水及啤酒等飲品。醬油蝦濃湯麵$118期待以久嘅蝦麵由老闆兼厨師DOMINIC雙手捧上枱，已見到濃稠嘅蝦湯底，蝦味撲臉而來，已經令我食慾大振，隨後DOMINIC手持一個日式小茶壺過嚟，話添加一啲鮮蝦油比我試吓，建議先呷一啖蝦湯先，再試吓加咗蝦
早兩月已經喺媒體知道呢間蝦麵專門店嘅存在，亦好佩服有人肯咁純粹咁堅持用人手同每日幾個鐘去熬製一個蝦湯底，相信喺日本都未必有拉麵店會咁做，所以千方百計搵機會去試，今晚，亦體會到顧客嘅熱情。
夜晚7點10分到達，門前已有人龍，數數店內僅有7個位(吧檯本來有兩個位，但如果坐埋客，會阻塞厨房嘅出路，所以坐晒得七個位)應該要等一轉。
排緊隊都已經聞到好濃烈嘅蝦香味，現場所見，食客都好體諒，用餐完都即時騰空座位以便其他客人幫襯。呢次排咗45分鐘先到我入座，如果大家想食，不妨早少少到，除咗節省排隊時間，亦可避免食品沽清。
當日店家只賣一款蝦湯底。可選拉麵或刀削麵。配菜本來可以揀溏心蛋、鮑魚、蝦同海螺，不過除溏心蛋外乜都賣晒，所以只係試到溏心蛋。店內見到夢王嘅旗仔，應該店內賣嘅都係呢款高級日本蛋。店內亦有供應汽水、波子汽水及啤酒等飲品。
醬油蝦濃湯拉麵(刀削麵)
$118
27 瀏覽
0 讚好
0 留言
醬油蝦濃湯麵$118
期待以久嘅蝦麵由老闆兼厨師DOMINIC雙手捧上枱，已見到濃稠嘅蝦湯底，蝦味撲臉而來，已經令我食慾大振，隨後DOMINIC手持一個日式小茶壺過嚟，話添加一啲鮮蝦油比我試吓，建議先呷一啖蝦湯先，再試吓加咗蝦油嘅蝦湯。
醬油蝦濃湯拉麵(刀削麵)
$118
30 瀏覽
0 讚好
0 留言
蝦湯本身已經鮮甜到極，再試蝦油湯，真係嘩一聲叫出嚟嗰種蝦味係可以用爆發嚟形容。好似食緊蝦頭咁，不過真係少食多滋味，如果落太多反而太濃味。
醬油蝦濃湯拉麵(刀削麵)
$118
21 瀏覽
1 讚好
0 留言
醬油蝦濃湯拉麵
$118
15 瀏覽
0 讚好
0 留言
我揀咗刀削麵，質地煙煙韌韌，不過就唔及拉麵咁掛湯，呢款拉麵有明顯蛋香，同蝦湯比較夾。湯底仲有大量櫻花蝦，京葱做配料，食落脆口同增添香氣。
醬油蝦
20 瀏覽
1 讚好
0 留言
厨師好細心，跟麵嗰3隻蝦都已經剝咗殼，輕輕整甩蝦頭就成隻就咁食，蝦預先用辣椒日本醬油醃製，蝦肉新鮮彈牙，少少辣，好似食攤凍白灼蝦嘅感覺。
溏心蛋$15
溏心蛋味道正路，不過稍嫌醃製時間太短，未夠入味，如果可以浸過夜相信風味更好。不如如果係用夢王，成本都成$5隻，可見老闆真係不惜工本。食完麵當然連湯都飲埋，睇過之前食評話份量少，我唔知係咪份量調整過，不過我食完麵，加隻蛋再飲晒碗湯，其實同其他日式拉麵一樣咁飽肚喎。
食過馬來蝦麵，或日式嘅蝦湯麵，都唔及植幕宵嘅蝦湯咁純粹濃郁鮮甜，難怪老闆話每日剝蝦殼都要4,5個鐘，而且都只係做到130碗麵左右。老闆喺我埋單時話，不久將來會出蠔湯底拉麵，一樣係不計成本去做。不過只要食過一次，必然對個蝦湯念念不忘，既然可以做到獨步武林嘅世一蝦湯，獨沽一味都可以其門如市，期待下次試埋鮑魚海螺。
張貼
