影片
更多
2021-11-06
1128 瀏覽
老友們約食飯，話嚟呢度試吓，見佢咁嘅價錢(平日$238加一，五六日都只係再加$10)，無限時任飲(啤酒除外)任食雞煲+火鍋，本來就對佢嘅食物質素冇乜期望，但求有笪地方吹水唔使擔心俾人趕走就算。點知無論雞煲、火鍋湯底、火鍋配料，甚至飲品雪糕都係有質素嘅，真係估佢唔到。講下啲食物，雞煲夠惹味，可以選辣度。火鍋我哋揀咗花膠雞湯底，香濃夠味。只上一次嘅海鮮拼盤，鮑魚仲識郁嘅，食落當然係爽口彈牙啦，扇貝d肉有成2cm厚，海蝦及貝類都夠鮮甜。至於任食嘅配料，牛小排及豚肉夠滑又有肉味，響鈴係即炸新鮮滾熱辣，龍躉啖啖肉唔腥，鱔片超肥美，餃子皮薄餡靚，所有丸類都比得上一般火鍋店賣幾十蚊一碟得幾粒嘅質素，甚至連個烏冬都係彈牙嘅！呢度可以由五點半開始食到半夜，啤酒又唔貴，最平嘅雪花$15支，大青島都係$23。八個人以上可以book房，開瓶費、切餅費象徵式收$10，絕對適合生日飯局👍🏻
講下啲食物，雞煲夠惹味，可以選辣度。火鍋我哋揀咗花膠雞湯底，香濃夠味。只上一次嘅海鮮拼盤，鮑魚仲識郁嘅，食落當然係爽口彈牙啦，扇貝d肉有成2cm厚，海蝦及貝類都夠鮮甜。
至於任食嘅配料，牛小排及豚肉夠滑又有肉味，響鈴係即炸新鮮滾熱辣，龍躉啖啖肉唔腥，鱔片超肥美，餃子皮薄餡靚，所有丸類都比得上一般火鍋店賣幾十蚊一碟得幾粒嘅質素，甚至連個烏冬都係彈牙嘅！
呢度可以由五點半開始食到半夜，啤酒又唔貴，最平嘅雪花$15支，大青島都係$23。八個人以上可以book房，開瓶費、切餅費象徵式收$10，絕對適合生日飯局👍🏻
張貼