影片
更多
2008-05-13
55 瀏覽
今次係第二次黎牛陣一直以黎都好唔明白點解咁多人彈牛陣話佢野食唔得..服務又唔得其實香港食野...服務態度唔得真係預左...再好既地方...都會越做越差實在見得太多啦~至於食物好多人用佢黎同日本既momo paradise比我食過...其實根本係兩間完全唔用既食肆...momo係做平價牛肉火鍋而牛陣係同日本但馬屋一樣做"比較平"既和牛火鍋當然亦都有做普通既牛肉火鍋如果你用平價既牛肉火鍋同momo paradise比的確輸晒...唔講牛肉豚肉淨係D野菜豆付都輸九條街但人地主打既係和牛點解唔試下人地既和牛再作評論呢?和牛有幾貴...識食既人一定好清楚每100G都可能要數百元!而牛陣做到既和牛我唔敢講佢全部可以達到A5既水平但小弟食過兩次一次係頂級,一次係次一級既都絕對係A3-A5既水平絕無澳洲牛混水摸魚亦無一D切定晒...大排檔...肉面痴碟底既情況講真,咁大隻牛無可能每個部位都有平均雪花(例如肩肉)但我亦見倒有貴價既西冷及肉眼部份都用黎做火鍋雖然呢D部位用黎做火鍋未算出色但亦表示絕無昆水好多人想像日本和牛入口即溶...正如我之前Mr. Steak既食評所講全溶根本就等於食牛脂...唔係食牛
一直以黎都好唔明白
點解咁多人彈牛陣
話佢野食唔得..服務又唔得
其實香港食野...服務態度唔得真係預左...
再好既地方...都會越做越差
實在見得太多啦~
至於食物
好多人用佢黎同日本既momo paradise比
我食過...其實根本係兩間完全唔用既食肆...
momo係做平價牛肉火鍋
而牛陣係同日本但馬屋一樣
做"比較平"既和牛火鍋
當然亦都有做普通既牛肉火鍋
如果你用平價既牛肉火鍋同momo paradise比
的確輸晒...唔講牛肉豚肉
淨係D野菜豆付都輸九條街
但人地主打既係和牛
點解唔試下人地既和牛再作評論呢?
和牛有幾貴...識食既人一定好清楚
每100G都可能要數百元!
而牛陣做到既和牛
我唔敢講佢全部可以達到A5既水平
但小弟食過兩次
一次係頂級,一次係次一級既
都絕對係A3-A5既水平
絕無澳洲牛混水摸魚
亦無一D切定晒...大排檔...肉面痴碟底既情況
講真,咁大隻牛
無可能每個部位都有平均雪花(例如肩肉)
但我亦見倒有貴價既西冷及肉眼部份都用黎做火鍋
雖然呢D部位用黎做火鍋未算出色
但亦表示絕無昆水
好多人想像日本和牛入口即溶...
正如我之前Mr. Steak既食評所講
全溶根本就等於食牛脂...唔係食牛肉
最靚既和牛係在於牛脂溶點夠低
入口後脂肪會0係口中溶化
唔會似肥膏,而且唔騷,極之香口
而肉既纖維亦會非常幼細
所以無乜野趙
而用黎做火鍋
溶點低既牛脂早已經0係火鍋入面溶左
大部份香味都已流失 (所以我唔太讚成和牛做火鍋...燒係最好!!)
所以我自己食和牛火鍋既時候只會煮至5成熟左右
無冰就食得~
咁樣會好好多
食得出呢D就係既香口又幼滑既高級和牛
至於出肉既時間問題...
我唔見得佢有刻意既拖延
正如頭先所講: "亦無一D切定晒...大排檔...肉面痴碟底既情況"
即係無野係切定 (我指和牛...澳洲牛無試過!....老實..食澳洲牛做乜要食牛陣!??)
咁人地即時開機...開雪櫃攞肉都要時間啦
10分鐘至15分鐘亦絕對唔係過份...(人地serve緊成間鋪喎!)
精明既客人只要0係差唔多食完既時候加單
侍應亦樂意效勞..我兩次食都係咁...(在我而言90分鐘必回本!!)
而且頭兩碟必然牛咁大碟!勁多
我希望各食友唔好用一D非招牌既食品黎評審一間餐廳既好壞
態度差係不容否定既時實...佢地真係態度好差!!
但係食物...我覺得絕無問題
同埋香港人好多都接受唔倒食90分鐘要走既規則...
人地示意要你埋單...又唔鍾意
人地做得咁既價錢...總要有佢既生存之道
口口聲聲話人地態度差既時候...自己又有尊重過餐廳嗎?
有錢唔係大晒...何況只係食一個100蚊既set....
如有得罪請見諒~
張貼