影片
更多
2022-09-30
131 瀏覽
朋友話深水埗有間任食火鍋店，價錢平、牛肉靚，今日就特登嚟搵佢帶路，去睇下呢間火鍋店係咪真係佢口中講到咁得。坐低揀好湯底，一盤靚牛肉，同埋刺身併盤先上枱。刺身，真係估唔到火鍋店嘅刺身都可以咁出色，夠晒新鮮。三文魚雖然唔係好大件，但係厚切，入口覺得都算肥美，都幾香；最正仲有鮑魚仔，極之爽口彈牙；北寄貝、赤貝、甜蝦等等，總之樣樣都係非常好味，拍得住日式放題質素。牛拼盤上枱時，未食齋睇都已經覺得d牛好靚，顏色紅潤有光澤，而且雪花紋理非常靚｡ 併盤包括極上牛肩嫩肉、封門柳、牛舌心、仲有牛板腱。4款之中，我最中意食嘅一定係封門柳，肉質夠腍，而且牛味濃郁。牛板腱就大大片，就算淥得耐左，依然覺得嫩滑，完全唔會嚡。之後我哋Encore 咗牛板腱同封門柳，即使係第二輪再上嘅牛肉，數量同質素依然係咁正，每款牛有六至七片，排得整齊、望落顏色同第一盤相比真係完全一樣咁靚，食入口亦覺得同樣高質。話明係火鍋放題，當然仲有其他選擇啦。我地每樣都揀左小小，發覺其實呢度嘅食物質素，真係唔差，甚至可以話好好，尤其係俾呢個$300都唔洗嘅價錢，食到呢d種類同埋質素，真係非常之超值。其他嘢食我地叫左嘅炸饅頭，真係極之推薦，一定
坐低揀好湯底，一盤靚牛肉，同埋刺身併盤先上枱。刺身，真係估唔到火鍋店嘅刺身都可以咁出色，夠晒新鮮。三文魚雖然唔係好大件，但係厚切，入口覺得都算肥美，都幾香；最正仲有鮑魚仔，極之爽口彈牙；北寄貝、赤貝、甜蝦等等，總之樣樣都係非常好味，拍得住日式放題質素。
牛拼盤上枱時，未食齋睇都已經覺得d牛好靚，顏色紅潤有光澤，而且雪花紋理非常靚｡ 併盤包括極上牛肩嫩肉、封門柳、牛舌心、仲有牛板腱。4款之中，我最中意食嘅一定係封門柳，肉質夠腍，而且牛味濃郁。牛板腱就大大片，就算淥得耐左，依然覺得嫩滑，完全唔會嚡。
PRIME級牛拼盤
3 瀏覽
0 讚好
0 留言
之後我哋Encore 咗牛板腱同封門柳，即使係第二輪再上嘅牛肉，數量同質素依然係咁正，每款牛有六至七片，排得整齊、望落顏色同第一盤相比真係完全一樣咁靚，食入口亦覺得同樣高質。
話明係火鍋放題，當然仲有其他選擇啦。我地每樣都揀左小小，發覺其實呢度嘅食物質素，真係唔差，甚至可以話好好，尤其係俾呢個$300都唔洗嘅價錢，食到呢d種類同埋質素，真係非常之超值。
其他嘢食我地叫左嘅炸饅頭，真係極之推薦，一定要叫!!👍👍👍因為上台時，仲係熱辣辣脆卜卜，點煉奶食，真係滋味無窮。
炸物
5 瀏覽
0 讚好
0 留言
呢度仲有出邊坊間少見嘅麻辣燙可以叫，不過我不嗜辣，所以只係叫左毛肚同牛黃喉嚟試味，一入口果然真係幾辣，不過牛黃喉非常之爽口。牛黃喉係牛心室嘅大動脈血管，處理比較麻煩，難清洗，唔係咁多食肆會有。鍾意食辣嘅，都可以叫嚟試下｡
除左任食，呢度嘅罐裝同紙包飲品，都係任飲，都幾多選擇。
不過最最最值得讚👍👍👍👍👍嘅係: 呢度連湯底都係任叫!! 起初我地就叫左個秋冬限定嘅藥膳水庫大魚頭，呢個湯係非常之鮮甜美味，侍應同我地推介話個湯完全無落味精，叫我地一定要飲頭啖湯，我地好聽話每人𢳂左一碗，真係非常之鮮甜，完全唔會有魚腥味，最後我地每人飲左兩三碗，差不多飲晒個湯底🤣🤣。
藥膳水庫大魚頭
3 瀏覽
0 讚好
0 留言
火鍋中途，侍應主動問我地換唔換湯底，我地即刻揀左個香茜皮蛋湯，之前食左咁多肉，都想要返個清清地嘅湯嚟淥菜食。換左第二煲芫荽極多嘅湯底後，我地就叫左好多唔同嘅菜，油麥菜、萵筍、秋葵、雲耳、粟米、芋頭，全部都幾唔錯。
香茜皮蛋鍋
2 瀏覽
0 讚好
0 留言
最後食埋個超級好食嘅意大利雪糕，120分鐘完美結束。
意大利雪糕
2 瀏覽
0 讚好
0 留言
地胆朋友果然無講錯，呢間放題火鍋店嘅牛，真係非常之靚；加上其他飲食材料亦都好多選擇，而湯底仲可以任叫任換，即使你叫烤魚都可以，呢個價喺出邊剩食一個烤魚都未必得，所以呢間火鍋放題店真係極度超值，值得推薦。
多款湯底任換
3 瀏覽
0 讚好
0 留言
張貼
