吉野家

營業中

休息中

記得有一段時間我曾經係冇收入，於是好多時都會等到吉野家下午茶時間，就去買個飯等到晚餐先食。到今日我有收入，依然都係喺佢下午茶時段做特價嘅時候買個飯返屋企做晚餐。因為下午茶真係好抵食，而且就算係下午茶餐嘅份量，當晚餐係相當足夠今日叫左一個溫泉蛋牛肉飯。首先講吓佢嘅包裝，一直都覺得佢哋嘅外賣盒係做得幾好，因為會將飯同埋有汁嘅牛肉分開；而溫泉蛋亦都係用一隻好細嘅紙杯裝住另上，呢方面係細心嘅，抵讚牛肉同飯嘅比例相當適中，唔會話食晒啲牛肉之後會剩低好多白飯冇餸食， 而溫泉蛋放左幾個鐘依然係有流心嘅效果＄28嘅下午茶餐食到呢個質素，真係值回票價。