吉野家

營業中

休息中

This was my second time having Yoshinoya hotpot, and I’m starting to like it more and more because its definitely so affordable and when you might be craving hotpot, it’s easily doable without having to force others to eat it with you!!The beef hotpot was $73 and I had to add $4 for an onsen egg and $1 to switch to udon. The only downside was that the beef was WAY TOO FATTY. Almost half of the beef itself was full of fat -_- unsure why but when I had it in the Sha Tin branch, the quality of the

由細食到大 ． 來自日本嘅吉野家最近見推出▫️全新早餐 同 下午茶系列餐牌$20起超抵食 揀咗呢款之前未試過👇🏻✨鹽燒牛肉丼採用了M8-M9優質和牛每片肉質軟腍 ． 味道質數超出預期面層更配上紫菜 ． 椰菜絲 同 七味粉+$5 可再追加✨暖笠笠溫泉玉子+鮮嫩時蔬✨椰菜煎雞丼食咗咁多年煎雞丼依然保持水準真正皮脆肉嫩 個汁同珍珠米飯 係完美嘅配搭除咗招牌嘅▫️和風牛肉丼▫️野菜煎雞丼更推出輕食之選▫️和風牛肉、嫩滑炒蛋配迷你飯/米粉」▫️腸仔配嫩滑炒蛋米粉✨和風牛肉米粉配上嫩滑炒蛋．牛肉軟腍入味同爽口嘅米粉好夾追加小食只係$4 起．同時帶來不同味覺享受必點升級特飲✨抹茶紅豆冰✨奶茶紅豆冰紅豆軟腍．甜度適中性價比依然好高．抵食之選唔怪得附近咁多選擇 吉野家依然咁受歡迎

星期日中午一點到來，入座率只有三成 ，大部分嘅人都係外賣居多，我哋嗌咗新出嘅 極上海鮮蕃茄相撲鍋$79，日式濃湯配 雞肉同埋穀飼胸腹牛肉 +出前一丁要加兩蚊+溏心蛋要13蚊一隻 +無糖百事要加兩蚊。只可以講😅品質與價錢成正比😉唔好抱有期望就必定唔會失望😚 ，日式濃湯，完全冇濃度可言，清湯咁款。啲牛肉同埋雞肉， 火鍋豉油都冇配備一吓， 唯有問職員攞個額外牛肉汁啦~ 好過白曬曬冇味。 個火鍋餐嘅牛肉同其他牛肉飯餐上啲牛肉一樣品質😆肥到痴咗線🤪 但係以咁嘅價錢不可強求🤫。下次都係叫返牛肉飯穩陣D，火鍋不了。整體上店舖衛生中上 ，可能人流少，所以清潔姐姐workloads 自然少。相比同一個商場嘅譚x米線，人哋大排長龍，吉野家就淨返大把座位。

得一個人手執枱，食客要自助執上一手啲嘢，啲餐盤堆到張張枱都係。嗌咗個雞肉火鍋，又收咗和牛鍋嘅價，收多咗40幾蚊。雞肉和鍋不過不失，但唔會再嚟食，主要係衞生啲枱冇人執，膠餐具又唔環保，食火鍋又唔方便。

今日同朋友係大圍，天氣好熱，又想清靜d，唸起去金鿋商場既吉野家，好耐未去過，印象中環境唔錯，就一於上去睇睇。去到吉野家，同想像一樣，依然都係咁雅緻清幽，方便傾計聚舊。朋友叫左個和風牛肉丼，我就叫左個吉列豬扒定食。個牛肉丼質素一如以往，仍然好有佢個獨有牛肉味style。個吉列豬扒定食賣相唔錯，肉質厚實。原本跟餐綠茶，由於天氣實在太熱，我改為飲汽水，又得喎，夠彈性，抵讚。埋單兩個餐加埋都係$101，以咁既價錢同質素，環境，簡直超值，有機會會再幫襯。

下午路過大圍，去左依間吉野家買外賣，叫左牛肉烏冬，溫泉蛋。下午茶餐好抵食，烏冬食完都好夠飽，牛肉湯汁香。加左10蚊關東煮，關東煮就一般，兩舊蘿蔔，湯汁一般。但整體黎講，作為簡單下午茶的確係好選擇。

我一直都好好好鐘意食吉野家既牛肉飯😍, 牛肉烏冬😍同打邊爐😍, 知道吉野有任飲任食半放題, 當然即刻睇下邊間分店有, 去食番餐喇! (供應分店唔多架)今次去左大圍分店 $88 90mins 一個大任飲任食 + $28 就肉類都任食, 其實真係好抵🤗包任食既包括菜類, 茹類, 蟹柳, 竹輪卷.. .. 而飲品仲包綠茶, 麵豉湯, 咖啡, 奶茶, 汽水, 真係好多元化! 而餐會包一個飯或者一個烏冬, 所以真係好滿足!以呢個價錢, 包含既野食, 飲品, 真係好抵好正呀!

【野菜煎雞飯】是一道常見的日式家庭料理，雞扒配搭香甜的照燒汁，食材簡單，卻美味無窮。這款菜式是健康之選，煎雞扒飯加雜菜配上燒汁。而雞扒肉質嫩滑多汁，雞皮香脆，洋蔥味濃配西蘭花和紅蘿蔔，營養均衡，用作配菜最適合不過。在剛炸好雞肉撒上炒香的白芝麻，更惹味，更好吃！另外買了一客【照燒鯖魚】，燒鯖魚加照燒汁，吃時魚質口感較粗糙，尚可接受，配合照燒汁香甜惹味，不過不失，再以一杯消膩的凍檸檬茶作結，輕易就把整碗飯吃光光了。

依加呢個時勢，出去食餐飯都講緊起碼要4x 蚊，去到糧尾既時候，就會㨂黎吉野家食下午茶❤️佢$2x蚊就有個飯食，同埋包埋野飲，轉凍飲都係加幾蚊，埋單都係30蚊有找，好抵食。咁今次就order 左個豚肉飯，豬肉整得幾好食，唔會太鞋，同埋個醬汁又煮得入味，yummy!

呢排因爲太忙，好多時都搞到食無定時，去到夜晚9點幾，又有少少肚餓🤦🏻‍♀️🤦🏻‍♀️ 雖然成日話咁夜食飯冇益，但係肚餓起上黎都係要搵d野食下🤩🤩行過吉野家見到有個宵夜Option! 廿幾蚊有個細牛肉飯同溫泉蛋，仲包野飲❤️呢個份量如果當正餐就未必夠飽，但作為一個宵夜，食返多少lon一lon個肚仔就 岩岩好，十分之 perfect la😁幾欣賞佢個溫泉蛋，流心得黎蛋香味十足，mix埋粟米同d珍珠米😁食飽飽就好安樂去訓覺啦

平日早上七點半來開餐，排隊點餐大約等5分鐘。枱有很多，枱面明顯沒有抹過，有油漬。我們二人都是點了牛肉米粉配熱綠茶。一路食開有信心的，所以點這個。米粉好大碗，很滑的，湯底非常清，配上少許昆布。我倒入牛肉汁後味道還好。牛肉是分開上的，洋葱是配菜，洋葱能吸盡牛肉汁精華。 但牛肉，很失望😞，不是一向食開的半肥瘦牛肉。牛肉太瘦所以沒有吸收牛肉汁，入口不是以前的感覺，比較硬。 吉野家，牛肉質素下降，還有那些吸引？

今日黎到大圍站附近，行來行去都諗唔到食咩好，突然見到吉野家，諗起有優惠卷未用，就行左去吉野家，一上到去見到超多人排隊，心諗呢度平時係唔係都咁多人食。等左15分鐘，差唔多排到落單既時候，原來吉野家推出左一個3點3下午茶套餐，我都唔執輸地跟人地叫左個黎食。我見到其他人叫迷你和風牛肉飯既飯碗係超細，唔似平時下午茶叫開果隻Size，所以我點左一個迷你豬骨濃湯烏冬配司華力腸，飲凍奶茶，凍奶茶要加兩蚊。呢度既落單姐姐好細心，佢提我叫烏冬係無肉，只有烏冬，可能好多人都誤會左終於可以坐低用餐，烏冬份量好少，同埋湯底好重味精味，但豆腐超好食，而司華力腸味道還可以啦，但成個餐先$22，仲可以坐係餐廳度食，抵食度超高。

早餐來來去去都係A餐火腿通粉，B餐沙嗲牛肉公仔麵，C餐雪菜肉絲米粉..真係會食到好厭，今日就試下早餐食飯先行到去買野食野度，竟然見到佢出左冰鎮奶茶，不過要加$6，試下先😆杯奶茶唔係好夠凍，可以我冰陣得唔夠耐。雖然茶味唔夠，但都算滑口，已經好過好多茶餐廳既凍奶茶，加$6都試得過因為吉野家轉左另一隻烏冬，已經唔係以前果隻，而家e 隻超伏，好懷念以前果隻😭😭所以都係食飯。個牛肉飯就同平時一樣，無咩特別，但一定要問店員拎牛肉汁😜

難得假日早起身, 就當然去食個豐富早餐~ 附近既麥當勞同大家樂都執左....所以去吉野家試下啦! 食左呢個餐: 炒滑蛋 + 茄汁豆 +煙火腿 + 楓糖雞扒 配 豬骨濃湯烏冬 + 熱奶茶 $35~ 呢份早餐份量都唔算細丫, d炒滑蛋都幾多~ 食落仲熱熱地架! 不過煙火腿就凍晒喇... 雞扒加左楓糖都幾好味~ 豬骨濃湯烏冬就正正常常啦, 烏冬都彈牙, 但個湯都有d鹹~ 而最驚喜既係原來吉野家d奶茶都ok架~

三點幾，未食午餐又未到食晚餐既時間。。。仲想食d飽肚少少既野落肚。。。哩個時間，我就會諗起吉野家既茶餐啦。。。話哂陪伴左我十幾個年頭叫左個下午茶-細牛飯配綠茶。。盛惠$23。以前大圍未有吉野家時，最近就係係沙田啦，記得十幾年前食都係$11，12蚊一個下午茶-細牛飯。。。難得十幾年後升幅都唔算好多。。。希望以後仲keep 到廿幾蚊一個茶餐啦。。。就算係快餐店，廿幾蚊個茶餐都買少見少啦。。。講番我個飯。。雖然係茶餐，對比午餐份量唔算少好多，但價錢絕對平一半，果然好抵食