蛇王兄 (已搬遷) 新店位置

今日下午我們經過上水符興街見到呢間「蛇王兄」就覺得有啲餓兼最近都開始有啲秋意濃嘅感覺，所以我們就決定入去食下午茶！我們當然係叫咗蛇羹嚟食啦！一嚟到我們就覺得無揀錯入嚟食，因蛇羹嘅份量係超足料豐富，兼且係用真正嘅蛇肉，唔會好似某啲店咁用鷄肉嚟冒充蛇肉，而且蛇肉都好大片厚身，唔會切到好幼身嘅蛇肉絲咁，所以食落啖啖肉咁，口感好豐富，真係超正兼係本人嘅必食推介呀！另外值得一讚嘅係店員嘅服務態度，因佢問我們要唔要食套餐？我們話唔要喇，祇係叫咗單點，佢亦無對我們黑面，而且仲係咁親切有禮，所以真係值得讚賞！