來多碗車仔麵 (民裕街)

營業中

休息中

觀塘著名車仔麵店一次都無食過，宜家竟然進駐紅磡，講到咁威威，梗係要試下啦。夜晚OT完行過去大概八點，入到去阿姐叫我買完先搵位坐。我先岳高頭望住個水牌，選擇款式都係基本野，但一時三刻未諗唔到食乜，點知阿姐話好多都無啦，用湯殻敲敲爐邊，「淨返呢度，要唔要菜呀」。我都費事諗，總之要左先。眼見格仔爐裏面既食物款式同量都只淨返少少，我都係是但嗌，最後要左蘿蔔、唔辣魚蛋、豬紅、豬大腸。仲想要豬皮，點知賣晒。而唔辣魚蛋只淨返兩粒，阿姐唯有將多兩粒咖哩魚蛋放入清湯撈一撈黎湊數😂一食就係味道熟悉既港式車記味，有返左屋企既感覺。食飽9點未到，已經淨返我一個食客，店員都執起晒D野準備打烊 😅 所以想多款式揀，應該早D去。