厚興瑜記手撕雞 (已搬遷) 新店位置

好想食手撕雞，見有食評介紹呢間，自己又行經灣仔，於是去買半隻試試。排喺我前面兩夫婦，買咗一隻半，又買咗雞腎。我諗，係咪真係咁堅呀？佢地買完到我，我要半隻，唔使一分鐘，已經畀我，盛惠 $42。返屋企試試，果然好入味，速連雞骨都入味，雞皮所有脂肪都被阿姐整走晒，我連皮都食埋。兩個人食，份量已經好夠。下次行開一定去買一隻，仲要試埋雞腎。