波士頓餐廳

營業中

休息中

波士頓是一間老牌港式牛扒店，新裝修過，價錢也不同了。我哋叫咗兩個火焰牛柳套餐，一個黑椒汁，一個蒜蓉汁。包餐湯和包，仲有一杯飲品。餐湯和包:叫咗紅湯，比較濃味同咸過頭，餐包只係微溫，口感一般。火焰牛柳:賣相十分驚艷！店員先把牛放在一邊，倒上酒精再點火，在熊熊烈火時放在你台面。眼睛先吃！店員會提你先準備好餐紙遮擋濺出的汁，也算貼心。甚本上幾個牛扒餐的牛柳都係一樣，只係煮法不同。建議叫這個比較特別。肉質方面，比想像中軟滑，有肉汁，可以叫三成五成生一點，鐵板會令牛肉再熟點。不過黑椒汁都係比較咸，可能厨師比較重口味。整體來講，用餐過程十分愉快，整潔程度中規中矩。