新仙清湯腩 (已結業)

有個同事話佢日日都去同一間食店食晏，我真係非常好奇想知道佢到底去食咩，到底呢間食店有咩咁特別，佢會咁樣情有獨鍾，所以就叫佢帶我去食，我仲叫多個同事一齊去品評一下，哈哈扮食家添，真失禮去到間食店，竟然係一間清湯腩麵店！！！究竟有咩好食要日日食呢？我叫佢發版，我只做食客，啲嘢食都算上菜上得幾快，賣相都可以啦！不是很特別但也不難看，望落去都係普通嘢啫！食落先知先嚟咗清湯三寶：豬肝、牛腩、蘿蔔，個湯好清甜，豬肝都不錯，口感剛好，蘿蔔超淋，夠晒入味，呢個真係要俾個讚再嚟個咖哩牛筋肚飯，咖哩好夠味，牛腩比想像中美味，值得推介估唔到一間平平無奇嘅清湯腩麵店可以有咁嘅水準，唔怪得有米芝連推介，以後我都會同個同事成日嚟食