雪村

營業中

休息中

路過K11揾午餐食，睇食評話雪村好似讚多過彈，所以決定一試🫣。見menu都有幾多選擇，最後叫左過灃洲魚生丼，另外再叫左一客半價原隻海膽杯，一件七折鵝肝壽司同一杯七折highball。滿心歡喜見到個魚生丼好似好靚，點知食每件魚生都又淋又無味，壽司飯完全唔似日式做法，心中已經開始知道不妙，所以食淨大半盒飯😑! 到海膽杯上場，第一啖以為食緊蒸蛋，完全無鮮味，而且每啖都有幾粒不知名嘅硬物要係個口攞番出黎🤮，佢整個外型都似海膽，所以我只可以話佢唔夠新鮮，明白點解會半價促銷! 到鵝肝壽司，我全部order食哂都未到，因為我坐壽司枱，所以我直接問壽司師傅，佢解釋剛剛件鵝肝燒壞咗，要重新整過，所以要再等多一陣，ok我等，希望件鵝肝壽司會令我改觀! 終於等到佢黎，原來好細件，就算7折價錢都唔太抵。一啖咬落去，係又粉又硬，同食老豬膶無乜分別。所以最後都只可以話今餐完全中伏，絕對無下次😤