當文歷餅店 by Dominique Ansel (已結業)

最初知道呢間以食物造型做gimmick嘅當文歷餅店喺香港開嘅時候真係好興奮，仲一早仆去排隊添！香港人真係三分鐘熱度，最近經過已經完全唔使排隊啦，用海港城coupon仲有半價，今次俾佢門口呢舊咁可愛嘅疏乎厘pancake蛋糕吸咗我入去，同行嘅男伴想食鹹點就叫咗個吉列滑蛋三文治，軟熟嘅麵包夾住香脆嘅滑蛋，口感真係好過癮！疏乎厘pancake蛋糕外層係好似布甸咁滑嘅慕絲入面包住流心楓糖香蕉蓉，口感輕盈，食完冇罪惡感另外仲叫埋一直想試嘅DKA～變奏牛角包，咪睇佢外表平平無奇，聽講佢喺全世界分店都好賣得，外層用一層薄脆嘅焦糖包住千層酥皮，口感豐富，甜而不膩，不愧為Dominique 嘅名物！💡Total $220 用左coupon 減$100，平過Starbucks 🙃