428
48
12
等級4
1.2K
17
睇得又食得😍嘅人氣鐵板三文治🥪登陸K11😋
2020-07-06 163 瀏覽
呢晚我哋一行三人去尖沙咀行街，其中一位朋友話想試K11新開嘅鐵板三文治Teppanyaki Sandwiches🥪。我哋又無訂枱食飯，所以就一於試下啦。原來餐廳位置喺正D3出口嘅第一間舖，一定唔會錯過咗！餐廳環境好摩登，燈光充足，銀色作主色好型😎。餐廳面積好大，可以坐到唔少客。我哋晚上六點鐘去到，所以未算太旺場，但陸陸續續都開始多客。食物同飲品款式好多，花多眼亂，店員好好俾個餐牌我哋返埋位慢慢睇😚。題外話，年輕帶眼鏡男店員勁好禮貌。睇完我哋再出去收銀處付款落單，店員就會俾個咇咇機通知我哋食物幾時Ready。我啲朋友同我一樣為食，永遠嗌嘢食都會嗌人頭加一嘅數量，不過又食得哂，唔會嘥😜，嘻嘻。我哋叫咗四份三文治、四份小食同三杯飲品。食物賣相吸引😍，而且比想像中大份，食到勁飽。各款三文治雖然都係鐵板風，但可能爆餡嘅關係，塊麵包唔會太乾，無乜熱氣嘅感覺。以下三文治口味排名分先後：1️⃣蝦兵蟹將鐵板三文治Soft Shell Crab & Shrimp Salad($62)，餡料包括酥脆軟殼蟹、小龍蝦沙律、紫椰菜絲、醋漬紅蘿蔔絲同他他醬。依個除咗有齊我鍾意嘅食材外，仲要真係好好食😋，因為小龍蝦沙律好
更多
呢晚我哋一行三人去尖沙咀行街，其中一位朋友話想試K11新開嘅鐵板三文治Teppanyaki Sandwiches🥪。我哋又無訂枱食飯，所以就一於試下啦。原來餐廳位置喺正D3出口嘅第一間舖，一定唔會錯過咗！
10 瀏覽
0 讚好
0 留言
 餐廳環境好摩登，燈光充足，銀色作主色好型😎。餐廳面積好大，可以坐到唔少客。我哋晚上六點鐘去到，所以未算太旺場，但陸陸續續都開始多客。
20 瀏覽
0 讚好
0 留言
 食物同飲品款式好多，花多眼亂，店員好好俾個餐牌我哋返埋位慢慢睇😚。題外話，年輕帶眼鏡男店員勁好禮貌。睇完我哋再出去收銀處付款落單，店員就會俾個咇咇機通知我哋食物幾時Ready。
12 瀏覽
0 讚好
0 留言
 我啲朋友同我一樣為食，永遠嗌嘢食都會嗌人頭加一嘅數量，不過又食得哂，唔會嘥😜，嘻嘻。我哋叫咗四份三文治、四份小食同三杯飲品。食物賣相吸引😍，而且比想像中大份，食到勁飽。各款三文治雖然都係鐵板風，但可能爆餡嘅關係，塊麵包唔會太乾，無乜熱氣嘅感覺。以下三文治口味排名分先後：
蝦兵蟹將鐵板三文治
$62
9 瀏覽
0 讚好
0 留言
 1️⃣蝦兵蟹將鐵板三文治Soft Shell Crab & Shrimp Salad($62)，餡料包括酥脆軟殼蟹、小龍蝦沙律、紫椰菜絲、醋漬紅蘿蔔絲同他他醬。依個除咗有齊我鍾意嘅食材外，仲要真係好好食😋，因為小龍蝦沙律好惹味，有啲蟹籽爽爽的，而且軟殼蟹個皮亦能保持脆脆的🦀。
慢調撕理食肉獸鐵板三文治
$62
10 瀏覽
0 讚好
0 留言
 2️⃣慢調撕理食肉獸鐵板三文治Slow Cook Shredded Beef Short Rib($62)，餡料包括手撕牛仔排、燶邊流心蛋🍳、番茄片、水晶生菜、車打芝士同芥末籽蛋黃醬。本人係不折不扣嘅食肉獸，所以大啖肉嘅食物一定加分。加上我特別喜歡手撕肉，口感好正。呢件三文治嘅🐮牛肉份量都多，不過略嫌蛋汁有少少整濕咗塊麵包。
歐陸監獄鐵板三文治
$54
11 瀏覽
0 讚好
0 留言
 3️⃣歐陸監獄鐵板三文治Continental Iron House($54)，餡料包括🧀玫瑰芝士燴通心粉、普羅旺斯燉肉丸、脆薯餅、水晶生菜、燶邊流心蛋同熔岩芝士。依個係飽肚之選，因為有通心粉同薯餅🥔，而且亦無想像中咁九唔搭八，肉丸味道亦幾濃郁啊。
拉麵叉燒鐵板三文治
$56
9 瀏覽
1 讚好
0 留言
 4️⃣拉麵叉燒鐵板三文治Japanese-Style Barbecue Pork Ramen($56)，餡料包括日式叉燒片、味噌拉麵、味付溏心蛋、味付筍絲、牛油粟米粒、熔岩芝士同味噌蛋黃醬。個人就麻麻地依款，因為拉麵🍜同麵包真係夾唔黎，怪怪的；但都欣賞佢還原拉麵度幾高下🙈。
3日3夜自家手切薯條
$35
8 瀏覽
0 讚好
0 留言
 3日3夜自家手切薯條Triple Cooked Hand-Cut Fries🍟($35中/$49大)，另配自家製醬料(+$7)，可選特製番茄醬、松露蛋黄醬或黑蒜滋味醬。薯條控嘅我覺得好好食🤤，因為夠厚切，而且熱辣辣炸起，再點埋自選嘅松露蛋黃醬Truffle Mayonnaise真係無得輸！中薯條嘅份量其實都已經幾多。
芝士香辣烤甜粟
$28
4 瀏覽
0 讚好
0 留言
 芝士香辣烤甜粟Grilled Spicy Sweet Corns($28)，🌽粟米上面鋪滿熱辣辣嘅芝士熔岩番茄辣汁，少少辣得嚟幾過癮。辣度有啲似墨西哥嗰種辛辣，又有少少似Pizza種辣🌶。
北海道野菜薏米濃湯
$28
24 瀏覽
0 讚好
0 留言
 北海道野菜薏米濃湯Hokkaido Vegetables & Pearl Barley Soup($28)，依個湯勁多料，而且亦係飽肚之選。味道都OK，不過未算令人印象太深刻。反而我欣賞嘅地方係個湯夠熱🔥，湯凍咗嘅話不如倒咗去。
日本南瓜番薯忌廉芝士沙律
$28
11 瀏覽
0 讚好
0 留言
 日本南瓜番薯忌廉芝士沙律Japanese Pumpkin, Sweet Potatoes & Cream Cheese Salad($28)，朋友點名叫依個沙律係因為見到櫥窗入面嘅Display好吸引。味道都唔錯，本身就鍾意南瓜蓉🎃嗰種甜味同口感；上面仲加咗唔少瓜子添。
Heroes洛神花小麥啤
$39
3 瀏覽
0 讚好
0 留言
 飲品方面，朋友要咗杯手工啤酒Draft Beer🍺：Heroes洛神花小麥啤Hangry Donut Hopiscus Wheat($58R/$39HH)，餐牌寫味道係洛神花、紅桑子同西柚。可能我唔識飲啦，老實講我就唔係好飲得出上述嘅味(平日係出面飲亦然)，但啤酒唔太苦，幾易入口。
紅沙冰
$42
8 瀏覽
0 讚好
0 留言
 🌈彩虹沙冰Rainbow Smoothies($42/杯)，我哋試咗兩款。紅沙冰Red即係包括士多啤梨、蘋果、紅甜椒同檸檬，我個人鍾意呢杯多啲，因為有檸檬🍋中和一下無咁甜之餘，仲好特別咁飲到紅椒味，感覺幾清新，但朋友就唔多啱。另一杯係💜紫沙冰Purple，即係用咗紅菜頭、蘋果同胡蘿蔔整成。整體味道最出嘅係紅菜頭，蘿蔔味都飲到，幾好飲。
18 瀏覽
0 讚好
0 留言
 食物散叫就固之然唔太平，但我見到午市套餐Lunch Set嚟講，加上尖沙咀商場價就真係唔算貴。大約一百蚊到就有份三文治、指定小食(手切薯條、薏米湯或凱撒沙律)同飲品，而且我肯定食得飽(好重要)😂。
25 瀏覽
0 讚好
0 留言
 另外，餐廳連早餐Breakfast都有賣，套餐價只係$45，勁抵食喎！為咗食，我都想喺尖沙咀返工啊🙊。
2 瀏覽
0 讚好
0 留言
 總括嚟講，HAND3AG唔係得個打卡樣咁簡單，三文治都算稱得上睇得又食得👍。打卡店價錢而言，定價都算大眾化，即使唔啱食，都唔會太激氣，何況我認為應該唔會失望呢。而家睇返啲相我都想再食😳。
14 瀏覽
0 讚好
0 留言
13 瀏覽
0 讚好
0 留言
(以上食評乃用戶個人意見 , 並不代表OpenRice之觀點。)
  • 推介
    已推介
  • 檢舉
2 已推介
    張貼
    評分
    味道
    環境
    服務
    衛生
    抵食
    用餐日期
    2020-06-22
    用餐途徑
    堂食
    人均消費
    $160 (晚餐)
    推介美食
    蝦兵蟹將鐵板三文治
    $ 62
    慢調撕理食肉獸鐵板三文治
    $ 62
    歐陸監獄鐵板三文治
    $ 54
    3日3夜自家手切薯條
    $ 35
    芝士香辣烤甜粟
    $ 28
    紅沙冰
    $ 42