Tokyo Secret 味之藝術 (已結業)

冬之富士山 ($42)司令黎到尖沙咀食最近好hit 嘅Tokyo sercet。位置係加連威佬道轉角嘅小巷，經常有車出入，睇餐牌、排隊要小心d。司令今次叫左冬之富士山，首先拎到手嘅時候就有震驚嘅感覺，雪糕杯底下加左乾冰，飄出黎嘅煙襯上白色嘅雪糕，同個名一樣真係一座小小嘅雪山，成件藝術品咁。個雪糕係用左北海道3.6牛奶製成嘅，味道非常香濃，質地亦都好滑。而面頭加左粉藍色嘅醬，司令我食極都唔知係咩味，有d似波子汽水，亦都似淡淡嘅雜苺味，但意外味道同牛奶雪糕非常夾。食到中間仲有小小suprise，係雪糕底加左藍苺醬，而味道唔似平時食開得糖漿味，味道好自然好清新，相信依個口味會有好多女仔會鐘意。而雪糕份量唔太多，同麥記新地份量差不多，價錢屬中上，但佢不單滿足我地嘅味道，仲兼顧埋視覺嘅享受，非常細心，司令推介大家去試試。