祥仔辣辣 (海運大廈) (已結業)

早幾日去左尖沙咀行街, 行到去海港城啱啱好到晚飯時間, 望下周圍有咩好食, 發現左依間專食辣野既川菜餐廳, 好在時間尚早, 唔洗等位就立即入座餐廳幾闊落, 有窗口位睇到海景餐牌菜式選擇都幾多, 首先黎左前菜元氣九宮格, 依個九宮格簡直包羅萬有, 用左時令招牌小食, 包括有涼拌萵筍、跳水一口牛舌、蒜泥拍黃瓜雲耳、冰鎮話梅涼瓜、麻辣豬耳、蔥油紅海蜇同麻辣雞腎, 送到黎既時候, 店員會係九宮格既中間嗰格以乾冰霧出擺盤, 賣相超吸睛, 而且店員有講話部分配菜代表主廚作品, 以熱愛既金庸小說作主題, 每款都整得非常入味, 係開胃前菜, 愈食愈停唔到口店員話餐廳新出左烤魚系列, 見可以揀自選鴛鴦烤魚口味, 所以我地叫左金波羅酸辣味同魔鬼地獄味, 而魚類都有三種, 我地叫左海鱸魚, 全部都叫左小辣金波羅酸辣用左新鮮菲律賓菠蘿, 食落好清新帶甜, 中和返個酸辣味, 魚肉食落好嫩滑, 而且魚骨唔多, 所以食落非常安心而魔鬼地獄就用左印度魔鬼辣椒、中國魔鬼辣椒同普通辣椒干, 食落唔算話好辣, 反而愈食愈香, 夠哂惹味, 唔會辣到嗆喉, 辣度比想像中溫和, 一邊甜一邊辣, 輸流咁食夠哂滋味三國演義 - 墨魚