影片
更多
2022-08-18
205 瀏覽
好受歡迎嘅網店【流浪甜點工作室】實體店開到西營盤喇！剛好訂咗蛋糕要拎，所以決定湊湊熱鬧排隊堂食。店名叫睡飽吃吃，店面令我諗起台灣啊。呢度有兩層，裝潢帶啲復古味，枱凳深木色系，座位唔多。要第一輪入座我諗至少要早15分鐘排隊，我呢啲大汗星人，成頭汗在所難免，其實都佩服自己嘅耐熱程度，亦都多謝另一半咁有耐性陪我等。甜品選項唔多，款式亦唔係每日一樣，主打係巴斯克、戚風蛋糕同芋圓 (搭冷熱糖水底)。週末假期每人低消一飲品、一甜品，有人等位設75分鐘限時，影相注意唔好影到店員，互相尊重。黑芝麻巴斯克 $60焙茶巴斯克 $60自行到收銀處點單，店員送餐，成個過程好迅速，鐘意影相嘅朋友可以影到大合照。黑芝麻巴斯克絕對係是日no.1，驚喜！味道濃郁，軟心順滑，之前曾經食過幾次唔同店家出品嘅芝麻巴斯克，最滿意呢個!焙茶巴斯克喺室溫愈耐，質地都會愈柔軟，都濃味，少甜啲更好，無辦法喺黑芝麻隔離，被比下去啦。柚香金萱戚風三文治 $60酒釀牛乳豆花 三色芋圓 $48黑糖牛乳 $45、水蜜桃紅茶 $45戚風嘅忌廉有茶香，芒果亦都夠甜，中間夾咗舊黑糖麻糬，幾好味喎又煙韌，挑剔位係我覺得蛋糕體乾咗少少啫。豆花夠滑有豆味
店名叫睡飽吃吃，店面令我諗起台灣啊。呢度有兩層，裝潢帶啲復古味，枱凳深木色系，座位唔多。
要第一輪入座我諗至少要早15分鐘排隊，我呢啲大汗星人，成頭汗在所難免，其實都佩服自己嘅耐熱程度，亦都多謝另一半咁有耐性陪我等。
甜品選項唔多，款式亦唔係每日一樣，主打係巴斯克、戚風蛋糕同芋圓 (搭冷熱糖水底)。
週末假期每人低消一飲品、一甜品，有人等位設75分鐘限時，影相注意唔好影到店員，互相尊重。
黑芝麻巴斯克 $60
焙茶巴斯克 $60
自行到收銀處點單，店員送餐，成個過程好迅速，鐘意影相嘅朋友可以影到大合照。
黑芝麻巴斯克絕對係是日no.1，驚喜！味道濃郁，軟心順滑，之前曾經食過幾次唔同店家出品嘅芝麻巴斯克，最滿意呢個!
焙茶巴斯克喺室溫愈耐，質地都會愈柔軟，都濃味，少甜啲更好，無辦法喺黑芝麻隔離，被比下去啦。
柚香金萱戚風三文治 $60
酒釀牛乳豆花 三色芋圓 $48
黑糖牛乳 $45、水蜜桃紅茶 $45
戚風嘅忌廉有茶香，芒果亦都夠甜，中間夾咗舊黑糖麻糬，幾好味喎又煙韌，挑剔位係我覺得蛋糕體乾咗少少啫。
豆花夠滑有豆味，酒糟味幾濃，三色圓有咬口，但唔算濃味。
難得有一間由店裝潢到甜品都咁令人滿意嘅小店，期待再訪嘅日子啊
張貼
