BBQ 7080 (已結業)

Within 一個星期就再黎ENCORE, 原因1) 同事仔勁鐘意韓風, 所以一定要佢黎, 2)新張期有8折, 所以我地上次食完就立刻訂檯, 就係為左以上既原因~呢晚我地除左叫返上次既雜錦豬拼盤同埋個魚卵石頭鍋飯之外, 最緊要係今次好想試豬皮!嘩, 原來真係好好味架! 好味到其實3大塊都係唔夠!!! 燒得唔係好勁個陣就好煙軔, 如果燒得透既話就會好香脆。朋友都笑我可以係到做Part-time, 因為我可以燒到幾脆! 呵呵, 我驚我係到唔係燒, 係不停咁食!另外, 最覺得驚喜係每一次去食既前菜都未必相同, 所以每次去都可以試新。佢地既生菜/紫蘇葉同埋前菜都可以任加, 呢下就比起其他店就贏晒, 淨係呢個原因都要去食多幾次, 同埋要推介比朋友。