大麥牛肉麵 (已結業)

今日同女朋友嚟到西環石塘咀想間小店食晚餐，我哋就發現咗一間小店係食台灣野嘅。店舖雖小但係五臟俱全，我哋叫咗個招牌紅燒牛肉麵，招牌紅燒牛肉蕎麥麵，一個滷水拼盤，同埋一個皮蛋豆腐。呢度嘅麵條係店家自製、不含防腐劑非常健康，湯底味道濃郁，麵條亦都軟硬適中。配上彈牙牛肉，令到成碗面都非常吸引，好食！滷水拼盤亦都非常入味，送面一流👍🏼皮蛋豆腐通型剔透，配上肉鬆同埋蔥，特別有台灣風味，好開胃好好味。最後，每個顧客嚟到都可以獲贈一杯桂花薄荷酸梅湯薄荷再帶點甜貼，喺夏天飲非常暢快。