影片
更多
2018-03-21
1379 瀏覽
每次入石澳都必食呢間串燒，直情仲可以當埋正餐，其實佢嘅肉質亦都冇特別好，只係佢嘅醬汁非常惹味，就係泰國嘅酸辣醬。喺石澳可以食到啲咁惹味嘅嘢食，自然令佢非常吸引我哋分別叫咗墨魚丸、龍蝦丸、魷魚、菠蘿、豬頸肉、雞翼等等，醬汁都有三款，有酸辣嗰款、沙律醬、同另一款係辣味重啲嘅醬。不過而家加左價，好似都差唔多15蚊串🦑自己最鍾意食魷魚嗰款，因為啲魷魚會燒到好爽口，但又唔會好韌，而且有時仲會有汁。不過都試過佢煮得唔熟，邊度啲魷魚好粉咁樣，咬唔開。所以魷魚呢款係要睇你時運高唔高啦🐷豬頸肉都好好食，不過都係有時會失手燒到好韌完全咬唔開，而且有時會好大舊。如果佢可以一早剪開細舊啲或者剪到長啲就會方便啲食🍍燒菠蘿就一定唔會失手啦，每次都燒完係好多汁嘅，只係有時佢擺凍左，但又燒得唔夠耐，就會變咗唔夠熱啦其他丸都係正正常常，其實只要點左佢個酸辣汁就已經好正。雞翼或者司華力腸嗰啲只有朋友試過，所以我唔評論啦。另外呢啲街邊串燒嘅衛生問題係難啲去控制嘅，平時都成日見到有烏蠅嬲落佢啲食物度， 介意嘅朋友就唔好食啦平日入石澳嘅朋友就要留意啦，因為佢平日未必開，冬天就更加少機會，而且店主好似唔係住喺港島，想確保有得食就
我哋分別叫咗墨魚丸、龍蝦丸、魷魚、菠蘿、豬頸肉、雞翼等等，醬汁都有三款，有酸辣嗰款、沙律醬、同另一款係辣味重啲嘅醬。不過而家加左價，好似都差唔多15蚊串
122 瀏覽
0 讚好
0 留言
🦑自己最鍾意食魷魚嗰款，因為啲魷魚會燒到好爽口，但又唔會好韌，而且有時仲會有汁。不過都試過佢煮得唔熟，邊度啲魷魚好粉咁樣，咬唔開。所以魷魚呢款係要睇你時運高唔高啦
🐷豬頸肉都好好食，不過都係有時會失手燒到好韌完全咬唔開，而且有時會好大舊。如果佢可以一早剪開細舊啲或者剪到長啲就會方便啲食
🍍燒菠蘿就一定唔會失手啦，每次都燒完係好多汁嘅，只係有時佢擺凍左，但又燒得唔夠耐，就會變咗唔夠熱啦
其他丸都係正正常常，其實只要點左佢個酸辣汁就已經好正。雞翼或者司華力腸嗰啲只有朋友試過，所以我唔評論啦。另外呢啲街邊串燒嘅衛生問題係難啲去控制嘅，平時都成日見到有烏蠅嬲落佢啲食物度， 介意嘅朋友就唔好食啦
平日入石澳嘅朋友就要留意啦，因為佢平日未必開，冬天就更加少機會，而且店主好似唔係住喺港島，想確保有得食就最好禮拜六日去啦～
張貼
